Сандрал бол хамгийн том дайсан.
Сандрах хэрэггүй. Сонсоход биелэгдэшгүй мэт санагдаж байгаа ч хамгийн чухал зөвлөгөө юм. Чи өөрийнхөө эгнээг эзлээд явж байгаа л бол сандрах хэрэггүй. Дүрэм зөрчихгүй явж байгаа л бол сандраад , айгаад байх шаардлага огтхон ч байхгүй.
Өсгийтэй гутал өмсөх гэж бүү яар.
Машинтай болсон үед хамгийн сайхан зүйлсийн нэг бол өсгийтэй , элгэн гээд л хүссэн гутлаа өмсөх боломжтой байдаг. Гэхдээ өсгийтэй гутал өмсөх гэж бүү яараарай. Дажгүй барьдаг болох хүртлээ хөлдөө эвтэйхэн пүүз , кет гэх мэт гутал өмсөөрэй.
Тоормостой найзла .
Хаазлах шаардлагагүй бол тоормос дээр хөл байх ёстой. Ингээгүйн улмаас машин эсвэл хүн ойртоход сандарсандаа болоод хаазаа гишгэх аюултай шүү.
Чамд утас хэрэггүй.
Машин барьж байхдаа утсаар ярьж болохгүй гэдгийг хүн бүр мэддэг. Утаснаас болж маш их зам тээврийн осол гардгийг ч бас мэддэг. Тэгсэн хэрнээ машин барьж байхдаа утсаар ярьсаар л байдаг. Онцын шаардлагатай биш бол утсаар ярих хэрэггүй. Хэрвээ үнэхээр ярьмаар байгаа бол чихэвчтэй эсвэл машинтайгаа утсаа холбоорой.
Хүүхдийн суудалтай болоорой.
Хүүхдийг урд талын суудалд суулгаж хэрхэвч болохгүй. Хойд талын суудалд суулгахдаа өөрийн гэсэн суудалгүй бол хамт яваад хэрэггүй. Сүртэй санагдаж байж болох ч энэ хамгийн чухал асуудал. Чиний үр удмын амь нас чиний гарт явж байгаа гэдгийг санах хэрэгтэй.
Болсон явдал 1 : Ямар ч дүрэм зөрчөөгүй өөрийн эгнээгээр явж байгаа мөртлөө хажуугаас машин шахахад сандарсандаа болоод хажууд талруугаа даран хажуугийн машиныг мөргөсөн. ( хажуугийн машин чамайг ирээд мөргөсөн ч чиний буруу биш харин энэ явдалд 100% чиний буруу болох болно. )
Болсон явдал 2 : Хүмүүс харж л байсан байх. Зарим жолооч нар өвөр дээрээ хүүхдээ суулгачихаад жолоогоо бариад явж байдаг. ( Энэ нь осол гарахад хүүхэд хүнд гэмтэх болно. Хүүхэддээ хайртай л бол хэзээ ч битгий ийм үйлдэл хийгээрэй )
Болсон явдал 3 : Салондоо гарын тос тавьж орхисон. Явж байгаад тоормослоход тэрхүү зүйл газар унажээ. Газар унасан зүйл тоормосонд очин тээгэлдэх магадлалтай учир унасан зүйлээ авахын тулд доошоо тонгойжээ. Аз таарч юу ч болоогүй. Гэхдээ энэ нь маш аюултай зүйл. ( Анхаарал сарнисан тохиолдолд юу ч тохиолдож болно. )
