Америкийн алдарт дуучин Питбуллын тоглолт энэ сарын 21-нд Төв цэнгэлдэх хүрээлэнд болох байсан ч хойшилж есдүгээр сарын 8-нд тоглогдохоор боллоо. Хүндэтгэх шалтгааны улмаас ийм шийдвэр гаргасан гэж зохион байгуулагч хэлжээ. Тэрбээр шинээр товлосон хугацаандаа гэрээ ёсоор ирж монголчуудад тоглолтоо толилуулах юм байна. “Fabulous” төслийнхөн залуусын оюуны алжаалд хөрөнгө оруулах үүднээс жил бүр дэлхийд нэртэй одыг эх орондоо урьж тоглолт зохион байгуулах гол зорилготой.
Энэхүү төслийн анхны зочноор алдарт дуучин Питбулл уригдсан юм. Тоглолтын тасалбарыг зургадугаар сарын эхээр худалдаалж эхэлсэн бөгөөд тайзтай маш ойр, талбайн ард хэсэгт, тоглолтыг сууж үзэх гэсэн гурван сонголттой ажээ.Тасалбарын үнийн хувьд аль хэсгээс үзэхээс шалтгаалж 30-50 мянгын төгрөгийн үнэтэй аж. Одоогоор тасалбар дууссан бөгөөд шагийн билет 100 мянган төгрөгт хүрсэн гэж байлаа.
