Хангалттай хэмжээний нойр ав
Ихэнхи хүмүүс бүрэн амрахад 7-8 цагийн нойр хэрэгтэй байдаг. Унтаж байх үед зүрх судасны систем амралтаа авч цусны даралт, зүрхний цохилт удааширдаг. Хангалттай хэмжээний нойр авж чадахгүй үед бие өөрийгөө сэрүүн байлгах адерналин, стрессийн гормоныг ялгаруулна. Үүний дүнд цусны даралт, зүрхний цохилт удаашихгүйн улмаас зүрхэнд их хэмжээний ачаалал ирдэг байна.
Дасгал хөдөлгөөн
Гүйх, иог, хүчний дасгал бас секс ч бас дасгал хөдөлгөөнд орно. Өдөрт дор хаяж 30 минутын эрчимтэй дасгал хөдөлгөөн хийх хэрэгтэй. Дасгал хөдөлгөөн хийснээр мэдээж цусны даралт багасаж, биеийн галбираа хадгална. Илүүдэл жинтэй байх нь зүрхний ачааллыг нэмэгдүүлнэ.
Амаараа орж буй бүхнийг анхаар
Эрүүл буюу аль болох бага сахар, давс болон өөх тосны агууламжтай хооллолтыг дэмж. Хэрвээ та тогтмол алкохолны төрөл хэрэглэдэггүй бол зүрхэндээ хэт их ачаалал өгөхгүйн тулд нэг л удаагийн-үүнд нэг шил пиво, нэг хундага вино хэмжээ хангалттай. Улаан дарс нь холестрины түвшинг бууруулж, артерийн судасны өвчлөлөөс сэргийлдэг.
Хамгийн эхний дүрэм бол тамхинаас холд
Идэр насны эмэгтэйчүүдийн хүрээнд нийт зүрхний шигдээсээр өвчлөгдсийн 90 гаруй хувь нь тамхи татдаг байна. Тамхи татдаг хүмүүсийн ихэнхи нь уушигны хавдартай болохоосоо өмнө зүрхний шигдээсээр нас бардаг. Тамхи нь сайн холестрины түвшинг бууруулж, дасгал хөдөлгөөн хийхэд амархан бахардах, цусны даралтыг нэмэгдүүлэх зэрэг зүрхэнд муу байж болох бүх л үр уршгийг дагуулна.
Эмнэлэг, эмчээс айх хэрэггүй
Аль хэдийнэ биеэ өвдсөний дараа биш урьдчилан сэргийлэх үзлэгт заавал орж бай. АНУ-д 20 нас хүрсэн хүн бүрийг зүрхний эмчийн хяналтанд орохыг эрүүл мэндийн байгууллагууд зөвлөдөг байна.
Г.Сүрэн
gereg.mn