Нэг л биш санагдаад чамд удаж байгаа зүйл байна уу. Тэгвэл яг одоо орхиод гар…
Чамайг зовоож, шаналгаанд оруулж байгаа зүйлийг орхиж явахад хэзээд бэлэн байгаарай. Чи өөрийгөө хайрлаж чадахааргүй тийм аалзны тор шиг хязгаарлагдмал орчинд орчихоод байгаа бол энэ өрөөг орхиод гарах зоригтой байгаарай.
Амьдралынхаа сүүлчийн мөчид та яагаад өөртөө энэ зөвшөөрлийг өгөөгүйдээ, яагаад аз жаргалын түлхүүрийг атгасан хэр нь алдаад унагачихсандаа харамсаад барахгүй өдрүүд нэг л өдөр хажууханд ирчихнэ.
Магадгүй одоо амьдарч байгаа хотдоо нэг л итгэлгүй, олигтой хийсэн ажилгүй, эрхэлсэн зүйлгүй, цагаа дэмий үрээд байгаагаа мэдэрч л байгаа бол энэ хотоос ч гэсэн гарахад бэлэн бай. Аяны цүнхэндээ хамаг хувцас, хэрэглэлээ үүцлээд яг одоо эндээс явахад та бэлэн бай. Өөр хаа нэгтэй газарт, өөрийнхөө хүссэн эхлэлийг цоо шинээр тавьж яагаад болохгүй гэж. Өөртөө шинийг эхлэх боломжийг олгоод үз л дээ. Хэзээ болтол оготны нүх шиг өөдөө өгсөх чөлөөгүй, харанхуй газарт толгой хоргодох гээ вэ. Амьдрал, алтан нарны илч туяа, аз жаргал, уулсын оргил, амттай сайхан кофе, ааг нь амтагдсан амжилт… Энэ бүхнийг мэдрэхийн тулд яг одоо таагүй зүйлсийг орхиод гарахад бэлэн байгаарай.
Та орхиод гарах зүрх зориггүй хэвээр байвал хэзээ ч өөрийн хүссэнээрээ амьдарч чадахгүй гэдгийг батлан хэлье. Амьдралынхаа сүүлчийн мөчид та яагаад өөртөө энэ зөвшөөрлийг өгөөгүйдээ, яагаад аз жаргалын түлхүүрийг атгасан хэр нь алдаад унагачихсандаа харамсаад барахгүй өдрүүд нэг л өдөр хажууханд ирчихнэ. Тиймээс та яг одоо юунд ч эргэж харж, элдэв эргэлзээ дунд өөрийгөө бүдчүүлэхийн оронд болохгүй, бүтэхгүй зүйлсийн хүлээсийг тастаж хаяад аз жаргалын хаалгыг нээгээд үз.
Сэтгэл гэдэг зүйл өөрөө зүрхний гүнээс ундарч гардаг болохоос биш хэн нэгэн хүний төлсөн мөнгөөр хэмжигддэггүй.
Чамайг хайрлахгүй байгаа хүний хэзээ нэгэн цагт өөрийг чинь хайрлана гэж дэмий бүү мөрөөд. Хүнээс сэтгэл гуйланчлах шиг тэнэг зүйл энэ орчлон дээр байдаггүй юм. Хүн чамд мөнгө төлж чадах ч сэтгэлээрээ төлөөс хийж чаддаггүй юм. Сэтгэл гэдэг зүйл өөрөө зүрхний гүнээс ундарч гардаг болохоос биш хэн нэгэн хүний төлсөн мөнгөөр хэмжигддэггүй. Тийм болохоор таныг мөс шиг хүйтэн сэтгэлээр “царцааж” байгаа хүнийг орхиод явах зоригтой байгаарай. Тэгж чадахгүй бол чи амьдралынхаа эрин сайхан үеийг хүний сэтгэлийн хүйтэн хонгилд тарчилж өнгөрөөнө.
Аз жаргалтай амьдралын эхний дусал нь чиний аз жаргалаас эхэлдэг юм шүү дээ. Чи өөрөө тэр аз жаргалыг мэдэрч чадахгүй л юм бол хэчнээн том хаус, эд мөнгө, халаас дүүрэн мөнгө байгаад хэнд хэрэгтэй юм бэ.
Чамд үргэлж хор хүргэдэг найзуудаасаа хол байж чаддаг байгаарай. Чиний аз жаргалд атаархаж, чамайг өөрөөс нь доогуур, дорой яваасай гэж хичээхдээ элдвээр хов зохиож чанга яригч шиг олонд зарлаж явдаг хүмүүсээс яг одоо яв. Тэднийг сэтгэлийнхээ асарт найр тавин урих хэрэггүй. Үүний оронд чамайг дэмждэг, чиний амжилтаар бахархаж, чамайг сайн явахад яг л өөрөө сайхан яваа юм шиг мэдэрч чамайг хайрладаг хүмүүстэй ойр байгаарай. Эрч хүч, урам зоригоо хайрлахын тулд өөрийгөө хайрлаж, хортой зүйлсийг хэн ч бай, юу ч бай хамаагүй сэтгэлээсээ цэвэрлэж хаяхад бэлэн байгаарай.
Чи л өөрийгөө уучилж, зүрх сэтгэлийнхээ гүнээс хайрлахгүй юм бол энэ хорвоо дээр чамайг хэн хайрлаж, уучлах юм бэ.
Алдаагаа уучлахыг өөртөө зөвшөөр. Энэ орчлон дээр алдаа гаргадаггүй хүн гэж нэгээхэн ч үгүй. Жижиг ч бай, том ч бай алдаа бүхнээ уучлахыг өөртөө зөвшөөр. Өөрөө өөртөө өглөгч, өгөөмөр ханд. Чи л өөрийгөө уучилж, зүрх сэтгэлийнхээ гүнээс хайрлахгүй юм бол энэ хорвоо дээр чамайг хэн хайрлаж, уучлах юм бэ. Өөрөө өөрийгөө уучилснаар алдаагаа дахин давтахгүй байж, илүү ихийг хийж бүтээн, амьдралынхаа ноён оргилд гарах аз жаргалтай өдрийг өөртөө зөвшөөр.
Ирээдүйд тавьсан элдэв итгэл найдвар, горьдлого, санаа зоволтуудаасаа өөрийгөө чөлөөлөхийг зөвшөөр. Яг одоо цаг л гэж байдаг болохоос биш ирээдүй гэдэг зүйл өөрөө хоосон юм. Тийм болохоор хоосон зүйлийн төлөө хамаг энерги, хүч чадлаа барах ямар хэрэг байна. Яг одоогоороо байж, ирээдүйд болох зүйлсийг ирээдүйд нь үлдээ. Түүний төлөө зовж шаналж, сэтгэлээ шаналгахыг өөртөө бүү зөвшөөр.
Амьдралаа чиглүүлсэн замаа хэзээд өөрчлөхөд бэлэн байгаарай. Шинэ эхлэл болгон шинэ боломж, аз жаргал, тэвэр дүүрэн амжилтыг дагуулдаг юм шүү. Тиймээс шинэ эхлэл тавихаас хэзээд бүү ай. Айдас чамайг хүлээсэнд оруулж аз жаргалыг чинь үгүй хийдэг. Айдас бол бодит бус зүйл, харин аюул бол бодит зүйл. Тэгвэл буруу хүмүүс, буруу газар, буруу нөхцөл байдал нь өөрөө аюул гэдгийг бүү мартаарай. Энэ аюулаас өөрийг хол байлгаж, өөрөө өөрийгөө чөлөөлж чадах хүн бол зөвхөн та өөрөө юм шүү.
