20-34 насныхан хамгийн их үр хөндөлт хийлгэж байна

ce89e4b375263112great

Хүсээгүй жирэмслэлт, нийгэм эдийн засгийн байдал, ажилгүйдэл, ядуурал, эрт жирэмслэлт зэрэг нь эмэгтэйчүүд үр хөндөлт хийлгэх үндсэн шалтгаан болдог. Статистик мэдээгээр, 2016 онд Улсын хэмжээнд 18 316 эмэгтэй үр хөндөлт хийлгэсэн нь 2015 онтой харьцуулахад 0.8 хувиар өссөн үзүүлэлт аж.

Үр хөндөлт хийлгэж буй эмэгтэйчүүдийн таван хувь нь 20-иос доош насны охид, 70,7 хувь нь 20-34 насны эмэгтэйчүүд байгаа бол 24.3 хувь нь 35-аас дээш насны эмэгтэйчүүд байгаа юм. Харин үр хөндөлт хийлгэсэн эмэгтэйчүүдийн 18 хувь нь өмнө нь төрж байгаагүй охид, бүсгүйчүүд байна.

Үр зулбуулах эм уугаад хүндэрсэн үедээ улсын эмнэлэгт хандсан тохиолдол ч цөөнгүй гарчээ. Үр зулбуулах эм уусан охид бүсгүйчүүдийн 80 гаруй хувь нь хууль бус, чанар, аюулгүй байдлын баталгаагүй эм худалдаж авсан байдаг аж. Энэ нь хууль бусаар гар дээрээс үр зулбуулах эмийг худалдан борлуулах, эмийн далд худалдаа буурахгүй байгаатай холбоотой.

Үр хөндөлтийг зөвшөөрдөг хэд хэдэн онцгой нөхцөл байдаг. Тухайлбал, эхийн хэвлий дэх ураг удамшлын болон бие эрхтний гаж хөгжилтэй болох нь тогтоогдсон, жирэмслэлт нь эхийн амь насанд ноцтой аюул учруулж болох онцгой нөхцөлд эмч нарын шийдвэрээр жирэмслэлтийг эмнэлгийн аргаар тасалж үр хөндөлт хийж болно. Үр хөндөлтийг зөвхөн Эх барих, эмэгтэйчүүдийн ор бүхий, Эрүүл мэндийн яамнаас магадлан итгэмжлэгдсэн 24 цагийн үйлчилгээтэй эмнэлгүүд хууль, стандартад заасан заалтын хүрээнд хийдэг юм. Эх сурвалж www.wikimon.mn


20-34 насныхан хамгийн их үр хөндөлт хийлгэж байна
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.