Улсын хэмжээнд ажилгүйдлийн түвшин энэ оны III улиралд 9.1 хувь болж өмнөх оны мөн үеэс 0.3 пунктээр, өмнөх улирлаас 0.5 пунктээр тус тус буурчээ.
Манай улсад ажиллах хүч буюу 15, түүнээс дээш насны эдийн засгийн идэвхтэй хүн ам 1.3 сая байна. Үүний 59.7 хувь нь хот суурин газар амьдарч байна. Түүнчлэн 118.8 мянган ажилгүй иргэн байгаагийн 58 хувийг эрэгтэйчүүд эзэлж байна.
Мөн өнгөрсөн сард хөдөлмөр эрхлэлтийн байгууллагад 33.3 мянга хүн бүртгүүлжээ. Тэдний 72.6 хувь нь ажилгүй иргэд байгаа бол 27.4 хувь нь ажилтай боловч өөр ажил хайж бүртгүүлжээ.
Эх сурвалж www.wikimon.mn
