Нэг хүнд зүрхээ өгчихөөд, удаан байсны эцэст хааяа тэр өгсөн зүрхээ буцаагаад авчихмаар санагддаг үе бий. Үүнийг бид “уйдах” хэмээн нэрийддэг. Та түүнд хайртайгаа мэддэг хирнээ бүх зүйл нэг хэвийн залхмаар санагдаж эхэлвэл доор зөвлөгөө танд тус болно.
1. Орондоо шинэ юм туршиж үзэхийг хамтрагчаасаа хүс. Хүмүүсийн дийлэнх хувь нь сексийн нэгэн хэвийн байдлаас болж хамтрагчаасаа уйдаж эхэлдэг байна. Өөрт таалагдах шинэ байрлал, шинэ аргуудыг дотроо төсөөлж байгаад өөрөө ч хамтрагчдаа санал болгож яагаад болохгүй гэж?
2. Орноос гадуур ч гэсэн ямар нэг шинэ юм туршиж үзэхийг түүнээс хүс. Ямар нэг сэтгэл хөдөлгөм зүйлийг хамтдаа хий. Түүнээс гадна уулзах болгондоо нэг л газар сууж, нэг л жимээр явдаг бол түүнийгээ өөрчил. Өглөө бүр түүнийг уруул дээр нь үнсэж сэрээдэг байсан бол дараагийн удаа чихийг нь үмхэлж сэрээ. Эрчүүдийн дотор нь байдаг догдломхой жаахан хүүхдийг сэргээвэл тэд тийм ч нэг хэвийн “амьтад” биш шүү. Та өөрийн хүсээд байгаа өөрчлөлтөө өөрөө л эхлүүлэх хэрэгтэй.
3. Хамт усан бассейн, фитнесс клуб, бүжгийн дугуйланд яв. Бид дасгал хөдөлгөөн хийвэл цусны эргэлт сайжирснаар тархин дахь эерэг аз жаргалтай энерги ихэсдэг. Мөн хамтдаа идэвхтэй хөдөлгөөн хийдэг хосууд сексийн харилцаан дээр ч илүү идэвхтэй нийцтэй байдаг талаар өөр нэгэн судалгааны дүн бий.
4. Илүү удаан хугацааг хамт өнгөрөө. Хүмүүсийн 60 хувь нь хамтдаа цагийг их өнгөрөөвөл бие биедээ улам дасч ээнэгшин, нэгэн цогц мэтээр мэдэрч эхэлдэг учраас уйдах завдал гардаггүй хэмээн үздэг юм байна. Олны үг ортой гэдэг ч үнэн үг шүү.
5. Хамтдаа болзоонд яв. Долоо хоногтоо нэг удаа ч болов хамтдаа ямар нэг үзвэр үзэж, хоолонд орж, гудамжаар зугаалж байхгүй бол хосууд бие биенээсээ амархан уйддаг. Эрчүүд нь болзоогоо хүлээж догдлохоо, бүсгүйчүүд нь болзоондоо зориулж үсээ янзлахаа болиод удахад л “залхах” хэмээгчийн нясуун үнэр үнэртдэг аж.
Хэрэв та түүнээс уйдаад эхэлвэл өөр шинэ харилцааг хүсэмжлэхээсээ өмнө одоо байгаа нөхцөл байдлыг шинэчлэхийг оролдоод үзээрэй.
