Гэрийн нөхцөлд арьсаа арчлах таван зөвлөгөө

15340

Та бүхэндээ гоо сайхан, спа-д орж цаг мөнгөө үрэлгүйгээр нүүрний арьсаа өнгөлөг сайхан болгох гэрийн нөхцөлд туршиж үзэх зөвлөгөөнүүдийг хүргэе.

 
1. Нүүрний иллэг хийх
 
Нүүрний арьс чангаруулах массаж нь ямар ч төрлийн арьс чангаруулагч маскнаас илүү үр дүн үзүүлдэг. Та хурууныхаа өндгөөр нүд хацраа тойруулах маягаар илж, илэх болгондоо арьсаа 2 тийш нь бага зэрэг татаж, чангалах маягаар иллэг хийж байгаарай. Хурууны өндгөөр массажийг өдөрт нэг удаа 5-10 минут л хийсэн байхад та арьсаа унжихаас айх хэрэггүй.
 
2. Гүн цэвэрлэгч маск бэлтгэх
 
Энэ бол туйлын хялбар бөгөөд үр дүнтэй маск. Таньд ердөө шинэхэн гоньдны навч, хагас аяга сүү, 1 хоолны халбага зуун настын шүүс байхад л хангалттай. Эдгээрийг нийлүүлж өтгөн болтол нь хутгаад нүүрэндээ 2 орчим минут тавиад бүлээн усаар угаана. Энэхүү маск нь арьсыг зөөлрүүлж, дээд зэргээр цэвэрлэнэ.
 
3. Арьс сэргээгч маск
 
Арьс тань өнгөө алдаад, хуурайшаад байвал 1 ширхэг өндөгний цагаан, 1 хоолны халбага сүү, 1 хоолны халбага зөгийн балийг сайтар жижиглэсэн гааны навчтай холиод нүүрэндээ 15 минут тавиад халуун бүлээн усаар угаана. Энэ нь арьсыг өнгөлөг болгохоос гадна гүн чийгшүүлнэ.
 
4. Арьс залуужуулах маск
 
Энэ бол хамгийн өртөг багатай үр дүн сайтай маск юм. Зөгийн балийг овъёосны гурилтай хутгаж бага зэрэг усаар шингэлж зуураад нүүрэндээ тавина. Мөн л 10 минутын дараа бүлээн усаар угаана. Энэ нь таны арьсыг гэрэлтүүлж, залуужуулаад зогсохгүй нүхжилт агшааана.
 
5. Өндөг
 
Өндөгний цагаан уурганд хэдэн дусал нимбэгний шүүс нэмж хутгаад маск бэлдэж болно. Ингэхэд таны үхэжсэн арьс унаж сэргэх болно шүү.

Гэрийн нөхцөлд арьсаа арчлах таван зөвлөгөө
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.