”Сайн байна уу, сархан минь. Хэн надтай гэрлэхийг хэлж өгөөч”

02_500x500
Үе үеийн охид бүсгүйчүүд ирээдүйн ханиа урьдчилж мэдэхийг хүссээр ирсэн. Тэдэнд өөрийн гэсэн арга барил, арвин туршлага бий. Энэ удаад бид зарим нэгээс нь танилцуулахаар шийдлээ. Бүсгүй та ч бас туршаад үзээрэй. 
 
Бөгж ба гэрэл зураг
Хайртай хүнийхээ гэрэл зургийг авч, түүний дээр утсанд хэлхсэн бөгж бариарай. Хамгийн гол нь гар тань чичрэхгүй байх ёстой. Хэрвээ бөгж тойрог хөдөлгөөнөөр эргэлдэж байвал та энэ хүнтэй гэрлэж, аз жаргалтай амьдарна гэсэн үг. Хэрвээ бөгж хоёр тийшээ найгаж байвал та энэ хүнтэй гэрлэхгүй л болов уу. Хэрвээ бөгж огт хөдөлгөөнгүй байвал харамсалтай нь та ганцаараа насыг барна гэсэн үг.
Зүү 
Нэгдүгээр сарын 21-ний шөнө хэд хэдэн зүү авч, тэдээрийг бие биеийг нь нэвтлүүлэн тавь. Дараа нь зүүгээрээ цамцныхаа ханцуйг хатга. Ингэвэл зүүдэнд тань ирээдүйн хань тань харагдана.
Дөрвөн навчит гэрийн хошингор 
Хэрвээ та дөрвөн ширхэг навчтай гэрийн хошингор олсон бол үүнийгээ баруун талынхаа гутал дотор хийгээрэй. Ингэвэл таны танилцсан ээлжит ганц бие эр таны нөхөр болно.
Шинэ сар
 Энэхүү ёслолыг шинийг нэгний шөнө хийж болно. Та энэ шөнө унтлагын өрөөний цонхоо сайтар нээж, тавцан дээрээ суугаад, нүдээ цавчихгүйгээр сар руу харж, “Сайн байна уу? Сархан минь, чамд мэнд хүргэе. Хэн надтай гэрлэхийг хэлж өгөөч” хэмээн аяархан шивнэнэ. Үүнээс хойш тун удахгүй ирээдүйн нөхөр тань зүүдэнд орж ирнэ хэмээн хүмүүс итгэдэг байна.
Хуримын бялуу 
Хуримын бялуунаас багахан хэсгийг авч, үүнийгээ хуримын бөгжний голоор гурван удаа гаргаж, дэрэн доороо хийгээрэй. Энэ шөнө таны ирээдүйн хань зүүдэнд тань орж ирэх болно. Мөн түүнчлэн хуримын бялуунаас авч дэрэн доороо хийгээд, шинэ хосын хуримын бөгжийг гуйж, гарын ядам хуруундаа зүүгээд, унтахын өмнө гутлаа Т хэлбэртэйгээр байрлуулдаг. Энэ арга ч бас ирээдүйн нөхрөө зүүдэндээ харах найдвартай арга гэнэ.
Алимны хальс 
Алимны хальсыг салгалгүйгээр, уртаар нь хальсалж аваад, баруун гараараа зүүн мөрөн дээгүүрээ давуулан шиднэ. Ингээд хальсны унасан хэлбэрээр нь ирээдүйн нөхрийнхөө нэрийн эхний үсгийг мэдэж болдог байна.

Эх сурвалж http://www.info.mn


”Сайн байна уу, сархан минь. Хэн надтай гэрлэхийг хэлж өгөөч”
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.