Хэрэв та гэр бүлээрээ нэг оройг хөнгөн хооллож өнгөрөөхөөр шийдсэн бол зөөлөн амтат мөөгтэй шөл тохирно. Мөн махан хоолны дэргэд ч олгож болох юм.
Найрлага /6 хүн/
• 4 хоолны халбага цөцгийн тос
• 2 аяга хэрчсэн сонгино
• 450 гр хэрчсэн мөөг
• 1 цайны халбага паприк
• 1 цайны халбага буурцагны соус
• 2 аяга тахианы шөл
• 1 аяга сүү
• 3 хоолны халбага гурил
• 1 цайны халбага давс
• Хар перец
• 2 цайны халбага лемоны шүүс
• 1/4 аяга хэрчсэн яншуй
• 1/2 аяга цөцгий
Жор
1. Том саванд цөцгийн тосоо хийгээд дунд зэргийн гал дээр хайлуул. Сонгиноо цөцгийн тосондоо 5 минут орчим хуур. Дараа нь мөөгөө хийж 5 минутын турш хуур. Шөл, паприк, буурцагны соусаа дээр нь хийж, галыг багасгаад, тагийг нь таглаж 15 минут орчим байлга.
2. Тусдаа жижиг саванд сүү, гурил хоёроо хийж хутга. Энэ хольцоо шөлөндөө хийгээд, уустал нь сайн хутгана. Мөн таглаж 15 минутын турш байлгана. Энэ хооронд хааяа хутгана.
3. Хамгийн сүүлд давс, перец, лемоны шүүс, яншуй, цөцгийгөө хийж хутгана. Багахан гал дээр 3-5 минут байлгаарай. Буцалгаж болохгүй. Дараа нь шууд олгоно.
