Жүжигчин И Жунсог Сүжид сэтгэл алдарснаа хүлээн зөвшөөрчээ

Солонгос төдийгүй дэлхий дахинд танигдсан жүжигчид болох И Жунсог /Lee Jong Suk/, Сүжи /Suzy/ нарын гол дүрд нь хамтран тоглосон “Чамайг унтаж байх хооронд” гэх олон ангит кино өнгөрсөн оны 9 сард нээлтээ хийж, олон үзэгчдийн талархлыг хүлээгээд байсан юм.

Кино зураг авалтын үеэс эхлэн И Жунсогийн фэнүүд тэднийг холбон олон төрлийн цуурхал тарааж байсан ба Сүжигийн хувьд тухайн үед И Мин У /Lee Min Ho/-тай үерхэж байсан учир хүмүүс тэдний хооронд ямар нэгэн харилцаа байгаа гэж төсөөлөөгүй билээ.

Харин Өмнөд Солонгосын алдарт хос Сүжи, И Мин У нар 2.5 жилийн хугацаанд үерхсэний эцэст хоёр тийш болж буйгаа 11-р сарын 15-ны өдөр албан ёсоор мэдээлсэн юм. Энэ цагаас хойш Сүжи, И Жунсог хоёрыг болзож буй гэх цуурхал олон хүний анхаарлын төвд байсан бөгөөд ямар ч албан ёсны мэдэгдэл хийгдээгүй байлаа.

Тэгвэл 2017 оны 12-р сарын 31-ний өдөр зохион байгуулагдсан “ЭСБИЭС Драма Авардс” /SBS Drama Awards/ шагнал гардуулах ёслолын арга хэмжээнд И Жунсог, Сүжи нар өөрсдийн бүтээсэн Жон Жэчан, Нам Хунжү нарын дүрээрээ “Шилдэг хос” гэх шагналыг хүртсэн юм. Шагналаа хүртэх үедээ хөтлөгчийн асуултад тэд ийнхүү хариулжээ.

-Хөтлөгч: Зураг авалтын үед жинхэнээсээ сэтгэл догдлох тохиолдол байсан уу?
-И Жунсог: Сүжи бол Солонгос улсын хамгийн үзэсгэлэнтэй эмэгтэй шүү дээ, би бага багаар түүнд дурлаж байсан.
-Сүжи: Жонсуг ах бол үнэхээр сайхан залуу, би дүрдээ хэт автах үе байсан.

Мөн тэд тайзны ард нэгэн мэдээний сэтгүүлчид ярилцлага өгөхдөө яг л хосууд шиг дотно харилцаж байжээ.

Ярилцлагын хэсгээс:
-Сэтгүүлч: Шилдэг хосын шагналыг хүртсэн сэтгэгдлээсээ хуваалцана уу?
-Сүжи: Жунсог ах яг л сэтгэл хөдлөлийн дагина шиг байлаа.
-Жунсог: Чи уучихаа юу?

Тэдний фэнүүд болон нетизэнсүүд /эрэн сурвалжлах сэтгүүлчид/ Сүжи, И Мин У нарын салалтын шалтгааныг үүнтэй холбон тайлбарлаж байгаа ба тэднийг хоорондоо хосын харилцаа үүсгэсэн гэх цуурхлыг хүмүүс сөргөөр хүлээн авч байгаа ч дэмжих хүмүүс байгаа юм.

Харин чи тэдний харилцааг дэмжиж байна уу аль эсвэл эсэргүүцэж байна уу?


YOLO.mn


Жүжигчин И Жунсог Сүжид сэтгэл алдарснаа хүлээн зөвшөөрчээ
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.