Сайхан харагдах хэцүү биш гэнэ шүү. Бүсгүйчүүдтэй гэж хэлэхэд нимбэг хамгийн гайхамшигтай гоо сайхны хэрэглэгдэхүүн гэнэ. Шүүсийг нь түрхэхэд арьс зөөлрөхөөс гадна та элдэв батгыг ч мартана.
Өндөг залуужуулна
Хэрэв та хуурай арьстай бол өндөгний шар уургаар маск тавиарай. Тослог арьстай бол өндөгний цагаан уургийг хөөсрүүлээд цайны халбагаар нэг чидун жимсний тос, эсвэл глицеринтэй найруулж нүүрэндээ түрх. Царай чинь булбарай толигор болж хүүхдийн арьс шиг зөөлөн болно.
Жимстэй тараг цайруулна
Тарагны үлдэгдлийг битгий хаяарай. Үүгээр тослог багасгах маск тавьж болдог. Жимстэй, жирийн тарганд хоёр цайны халбага нимбэгний шүүс холиод л гүйцээ. Нүүрэнд түрхэхэд таны царай цайрч, бас зөөлөн болно.
Байцаа сэвх арилгах шидтэй
Хэрэв таны арьс тослог бол шинэхэн байцаа, өргөст хэмхний шүүсийг яг адил хэмжээгээр хийж бэлтгэсэн холимгоор нүүрээ арчиж болно. Нүх ихтэй бол нүүрээ угаахын өмнө исгэлэн байцааны шүүсээр арч. Учир нь исгэлэн байцааны шүүс янз бүрийн сэвх, толбыг арилгадаг. Өнжөөд хэрэглэвэл илүү үр дүнтэй. Мөн өндөгний цагаан дээр байцааны шүүс хийгээд маск тавихад ч мөн адил. Үрчлээс ихтэй, сэлхэрч унжсан арьсыг өндөгний шар дээр байцааны шүүс хийсэн маскаар долоо хоногт хоёр удаа тордож байвал та залуужиж сайхан харагдах болно.
Эх сурвалж: Unen.mn
