Хүйтний улиралд бүсгүйчүүд арьс аа хэрхэн хамгаалдаг вэ. Энэ тухай “Гоо дагина” салоны зөвлөх С.Саруул дараах зөвлөгөөг өгч байна. Тус салон зөвхөн байгалийн гаралтай бүтээгдэхүүнээр үйлчилдэг юм байна.
Бүсгүйчүүдийн арьсаа хамгаалах хамгийн эхний алхам бол цэвэрлэгээ юм. Арьсаа өнгөлөг, толигор, эрүүл байлгахын тулд химийн бодис агуулсан, үнэтэй, гадаад бүтээгдэхүүн авч хэрэглэх шаардлагагүй аж. Учир нь бидний өдөр тутам хэрглэдэг хүсний бүтээгдэхүүнүүд арьсыг зөөлрүүлж, цэвэрлэх шидтэй аж. Үүнээс хамгийн энгийн арга нь төмсний хальсаар арчих. Төмсийг сайтар угаасны дараа нимгэн хальсалж, хальсаар нь арьсаа дээшээ чиглэлд арчвал таны арьсны гүн бохирдол гадагшилахаас гадна нүх сүв нь багасдаг байна. Мөн нухсан хүйтэн төмсийг тарагтай хольж, нүүрэндээ иллэг хийвэл арьсанд чийгшил өгөхөөс гадна үрчлээ багасдаг ажээ.
Хүйтний улиралд арьсаа хамгаалаагүйгээс таны нүүрэнд олон асуудал үүсдэг. Арьс өнгөө алдаж гундахаас гадна хүйтэн салхи үрчлээ үүсгэдэг байна. Тиймээс хүйтний улиралд арьсаа улаан дарсны хүчээр хамгаалах хамгийн үр дүнтэй аж. Ялангуяа усан үзэмний 10 гр дарсыг өөрийн хэрэглэдэг өдрийн тосондоо холиод нүүрэндээ түрх. 10 минут хүлээж шингээсний дараа хуурай энгэсгээ түрхээрэй.
Улаан дарс таны арьсанд нэвчсэнээр хүйтнээс хамгаалах бүрхүүл үүсгэдэг. Мөн арьсыг залуужуулж, бактерийг устгах ид шидтэй юм байна. Үүнээс гадна тарагтай хольж маск тавьж болно. Ингэснээр арьс амарч, толигор болно.
