Кофе үр зулбах магадлалыг хоёр дахин ихэсгэдэг

f728sh5bhi

Жирэмсэн эмэгтэйчүүд кофе уух нь маш муу, учир нь кофе үр зулбах магадлалыг хоёр дахин ихэсгэдэг ажээ. Хэрэв та кофенд дуртай бол таны нэг өдөрт хэрэглэж байгаа кофены хэмжээ 200 миллиграмаас хэтрэхгүй байх ёстой гэнэ. Өөрөөр хэлбэл энэ хэмжээ нь 283 грамм кофе 700 грамм цай өдөрт ууж болно гэсэн үг.

Кофе урагт хэрхэн нөлөөлдөг талаар судалгааг АНУ-д хоёр жилийн турш, олон нийтийн Kaiser Permanente сангийн уриан дор, Де Кун Ли удирдагчтай америкийн эрдэмтэд хийсэн байна. Калифорнийн Оакланд хотын эмнэлэгт эрдэмтэд 1060 жирэмсэн эхчүүдийг ажиглалтандаа авсан. Санал асуулгын аргаар тэд 264 эмэгтэй огтхон ч кофе хэрэглээгүй, 635 эмэгтэй өдөрт хоёр аяга кофе уудаг байсан, 164 нь зөвшөөрөгдсөн хэмжээнээс илүү хэрэглэсэн гэдгийг мэджээ. Ажиглалтанд оролцсон бүсгүйчүүдийн 172 нь ямар нэгэн байдлаар үр зулбасан.

Эрдэмтдийн хийсэн судалгаа нь нэгдүгээр бүлгийн эмэгтэйчүүдийн 12,5 хувь, хоёрдугаар бүлгийн эмэгтэйчүүдийн 24,5 хувь нь хүүхдээ тээж чадаагүй бол сүүлийн бүлгийн хоёр эмэгтэй тутмын нэг нь хүүхдээ алдсан гэдгийг харуулжээ. Ли эмчийн үзэж байгаагаар хэрэв эмэгтэй кофе уухаа больж чадахгүй бол ядахдаа хэрэглэдэг хэмжээгээ багасгах хэрэгтэй гэнэ. Өнөөг хүртэл эрдэмтэд кофе урагт муугаар нөлөөлдөг талаар ярьсаар ирсэн. Гэвч албан ёсоор зөвшөөрсөн хэмжээ нь өдөрт 453 миллиграмм байсан билээ. Гэвч Ли эрдэмтний хийсэн судалгааны үр дүнг үгүйсгэх эрдэмтэд ч бас байна.

Колумбиягийн их сургуулийн Анагаах ухааны төвийн эмэгтэйчүүдийн эмч доктор Каролин Вэстхоф үр зулбалтыг зөвхөн кофетэй холбож тайлбарлаж болохгүй гэж үзэж байгаа юм байнаү. “Хромосомын буруу хөгжил, гээд олон төрлийн шалтгаан бий. Санал асуулга тийм найдвартай судалгааны арга бишээ, гэвч үр дүн нь жирэмсэн эмэгтэйчүүдийг сайн л айлгаж өгсөн байна” гэж тэрбээр хэллээ.

Эх сурвалж:                                                                                                                                                                          www.zuv.mn

Кофе үр зулбах магадлалыг хоёр дахин ихэсгэдэг
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.