Афины их сургуулийн эрдэмтэд Акрополийн музейд хадгалагдаж буй, одоогоос 9000 орчим жилийн тэртээ амьдарч байсан 18 настай охины гавлын ясыг сэргээж, нүүр царайг нь ямар байсныг тогтоожээ.
Судлаачид түүнийг Агви гэж нэрлэсэн нь Үүрийнтуяа гэсэн утгатай юм. Учир нь тэрбээр Эртний Грекийн үед амьдарч байсан нь дэлхийн соёл иргэншлийн эхэнд үед тооцогддог. Ингээд эрдэмтэд 1993 онд Теопетрагийн агуйгаас олдсон охины гавлын ясыг сэргээж, нүүр царайг нь компьютерээр гарган авчээ. Мэргэжилтнүүд компьютер тест, томографын зураг авч, дараа 3D принтерээр үр дүнг нь гаргажээ. Археологичид эртний охины шанаа, хөмсөг, эрүү гээд нүүрний бүх хэсгийг нь тогтоож, арьс, нүдний өнгийг нь энэ бүсийн иргэдийн ерөнхий байдалд тулгуурлан гаргажээ.
Түүний амьдарч байсан үед эртний хүн ам анчид, нүүдэлчид, жимс түүгчид зэргээс бүрддэг байсан бөгөөд өөрсдийн гэсэн ногоо, жимс тариалдаг байжээ.
