Ийнхүү нэгэн залуу гоо сайхны нэгэн хэвийн стандартуудад хариу барьжээ. Казахстаны гоо бүсгүй шалгаруулах тэмцээний шигшээд Алма-Аты хотын оршин суугч 22 настай Илай Дягилев шигшээд шалгарсан байна. Тэрбээр өөрийгөө Арина Алиева гэдэг бүсгүй мэтээр бүртгүүлээд, биеэ далдалж хувцаслаад, нүүрээ гоёмсог будан уг тэмцээнд оролцжээ. Шүүгчдээс өндөр үнэлгээ авч, финалд шалгарсан тэрбээр гэнэт өөрийгөө эрэгтэй хүн гэдгийг зарлаж орхив.
Энэ сүйхээтэй залуу “Би финалын шатанд шалгарсан. Бүх зүйл дэндүү даамжирлаа гэдгийг ойлгоод өөрийгөө илчлэхээр шийдсэн. Энэ тэмцээнд оролцохоор 4000 гаруй бүсгүй бүртгүүлсэн юм билээ. Гэтэл би финалд шалгарчихсан” хэмээн ярив. Түүний финалд орох эрхийг өөр нэг бүсгүйд өгчээ. Энэ залуу маш их алдаршсан бөгөөд зар сурталчилгаанд тоглох санал олноор нь хүлээж авч байгаа аж.
Эх сурвалж www.wikimon.mn
