“3 охин” хамтлагийн дуучин Г.Анхмаа жүжигчин Т.Билэгжаргал нар урлагийн сайхан хосуудын нэгээр нэрлэгддэг байсан ч хоёр тийш болсон. Хамтдаа хоёр ч уран бүтээл дээр ажилласан хосууд мисс бүсгүйгээс болж салцгаасан гэх яриа бий. Бэкигийн хувьд амрагийн харилцаанаас болж гэр бүлээ сүйтгэсэн гэгддэг ч өдгөө таг чиг амьдарч байна. Харин Анхмаагийн хувьд гялалзаж байна. 3 охин хамтлаг уран бүтээлдээ ханцуй шамлан орж, мань хүн өөрөө кино хүртэл хийгээд амжсан. Харин тэрээр саяхнаас шинэхэн хайрттайгаа учирсан гэх. Түүний амрагаар Худалдаа хөгжлийн банкны гүйцэтгэх захирал О.Орхон гэх залуу тодорч хосууд өдгөө хамтын амьдралаа эхлүүлсэн хэмээх яриа чих дэлсэх боллоо. Бүр ч болоогүй саяхан хамтдаа дулаан оронд романтиклаж яваад ирсэн талаар шуум явсан сурагтай. Насны хувьд Орхон Анхмаагаас 9-н насаар ах билээ.