Сайн байцгаана уу? За тэгэхээр ийм байна, би 25 настай эмэгтэй найз залуутайгаа хамт амьдардаг л даа. Сүүлийн 4-5 сард буруу дадлаасаа болж эрс таргалваа. 165 өндөртэй хэрнээ 74 кг болсон. Тэрнээс болоод өөртөө гутарч, найз залуу маань хүртэл санаа дагаад ч тэрүү нэг л сонин хөндий ч юм шиг, секс хийх тоо эрс цөөрсөн. Надад өөртч гэсэн үнэхээр хэцүү байсан л даа. Таардаг хувцас ч гэж байхгүй, таньдаг мэддэг хүн таарахаараа миний таргалж гахайн тоорой шиг болсныг гайхна, тэрнээс болоод би бүр гадагшаа гарахаас ч дургүй хүрч гэртээ л тэнэг юм шиг суудаг байлаа.
Тэгээд сарын өмнөөс би турахаар эрс шийдэж нэг байцааны шөл хийж уух болсон юм. Үр дүн нь ч үнэхээр гайхалтай байж би сарын дотор 7 кг хаяж чадсан. тийм болохоор би илүү жинтэй охид хүүхнүүдэд тус болох болвуу гэсэн үүднээс энэ шөлийг хийж туршиж үзэхийг та бүхэнд зөвлөж байна. Одоо урин дулаан цагт хэн ч гэсэн сайхан харагдахыш л хүснэ шүү дээ.
Жич: Яг энэ дэглэмээр явахад хэтэрхий хэцүү байсан учраас би өглөөдөө юм идээд өдрөөс энэ шөлөө уудаг…
Энэ шөлний дэглэмийг танилцуулъя. Нэг талаас харвал дураараа, дуртай цагтаа идэж болдог ч дэглэм л юм хойно хатуу биелүүлэхийг шаардана гэдгийг анхаараарай. Шөлийг долоо хоногийн турш өдөр бүр идэх ёстой, идэх тусмаа их өөх шатаж арилна. Орцыг хатуу дагана, дур мэдэн аль нэг найрлагыг нэмж хасаж болохгүй. Дэглэмийн үед ямар ч согтууруулах ундаа, хийжүүлсэн ундаа, талх, өөх тос зэргийг хатуугаас хатуу хориглоно. Цэвэр усыг ихээр ууна.
Хэрэв энэ дүрмийг баримтлах юм бол долоо хоногт 5-8 кг хаях боломжтой. Тэмдэглэн хэлэхэд, дэглэмийн үр дүнд бие хөнгөрч залуужихаас гадна сэтгэл зүрх баяр баясгалангаар бялхаж, энерги буцалдаг онцлогтой! Хэрэв доорх шөл танд таалагдвал та дэглэм гэхгүйгээр дуртай үедээ хийж идэн жингээ тохируулж байхад болохгүй зүйл үгүй.
Орц:
1 ширхэг дунд зэргийн хэмжээтэй байцаа
6 ширхэг бөөрөнхий сонгино
3 ширхэг улаан лооль
2 ширхэг ногоон чинжүү
Нэг багц ногоон майльз (сельдерей, celery)
Давс, перец
Хийх арга:
-Бүх ногоогоо жижиг нарийн хэрчиж саванд хийгээд ус хийнэ. Давс перецээр амтлаад ширүүн гал дээр 10 минут буцалгана. Галаа дөнгөж буцлах хэмжээнд багасгаад болтол чанана.
Нэг дэх өдөр:
Өдрийн турш дээрх шөлөө, дуртай жимстэйгээ хавсаргаж иднэ.(гадилаас бусад). Шөлөө хүссэн хэмжээгээрээ, хүссэн цагтаа иднэ. Их идэх тусам сайн. Чихэргүй цай, кофе ууж болно, гэвч голчлон ус уу.
Хоёр дахь өдөр:
Дээрх шөлийг ногоотой хавсаргаж иднэ. Эрдэнэ шиш, ногоон вандуй, шошийн төрлийн ногооноос бусдыг сонгоорой. Энэ өдөр жимс идэхгүй. Зөвхөн цадталаа хүнсний ногоо, шөл хоёроо л иднэ. Чанасан, түүхий, даршилсан – ямар ч хэлбэрээр идэж болно. Өдрийн хоолондоо шарах шүүгээнд болгосон 1 ширхэг төмсийг цөцгийн тосоор амтлан идээрэй. Мөн энэ өдөр 8 аяга ус уу.
Гурав дахь өдөр:
Энэ өдөр шөл, жимс, ногоо гурваа хавсарч иднэ. Хүссэнээрээ идэж болно. Төмс идэхгүй. Мөн усаа ч мартаж болохгүй.
Дөрөв дэх өдөр:
Өдрийн турш шөл, жимс, тослоггүй сүү, 3 ширхэг гадилаар хооллоно. Цадталаа, таашаалтайгаар иднэ. Их хэмжээний ус ууна.
Тав дахь өдөр:
Шөлөө иднэ, дээр нь өөхгүй үхрийн мах шинэхэн улаах лоольтой хольж иднэ. Хүссэн хэмжээгээрээ тамшаалан иднэ. Энэ өдөр хагас кг мах ч идэж болно. Усаа ууна.
Зургаа дахь өдөр:
Шөл, үхрийн мах, ногоо (ялангуяа ногоон навчит ногоо) иднэ. Цадталаа таашаалтайхан иднэ. Мэдээж ахиухан ус!
Долоо дахь өдөр:
Шөл, ногоо, бор будаа, чихэргүй жимсний ундаа. Дураараа иднэ. Ус ихээр ууна. Энэ өдрийн төгсгөлд – хэрэв та бүх дүрмийг барьсан бол – та бүсэлхийгээрээ эрс нарийссан байх агаад бие чинь хөнгөн, энергээр дүүрэн, сэтгэл хангалуун баяр баясгалантай байх болно. Маргааш өглөө жингээ үзээд толинд харан инээмсэглэж, өөртөө баяр хүргэн шагнаарай. Одоо харин хичээл зүтгэлийн үр дүнд олж авсан сайхан галбираа хадгалж явах үүрэг л танд ноогдлоо.
Амжилт хүсье бүсгүйчүүдээ Хүндэтгэсэн Н