Оросын тамирчдын медалийг Норвегийн баг тамирчдад шилжүүлэх төлөвтэй байна

712-1519356748p1c70akeotq2l1v1d2jmnnd1l423
ПЁНЧАН. /ТАСС/. “Пёнчан-2018” өвлийн олимпийн наадмын кёрлингийн холимог хосын төрөлд хүрэл медаль хүртсэн Оросын тамирчин Александр Крушельницкий болон Анастасия Брызгалова нарын медалийг өчигдөр Олон улсын олимпийн хороонд /ОУОХ/ шилжүүлэн өгсөн юм. Тамирчдын медалийг олимпийн тоглолт дуусхаас өмнө Норвегийн баг тамирчдад шилжүүлэх төлөвтэй байгаа тухай ОУОХ-ны хэвлэлийн алба мэдээлжээ.
Өнгөрсөн мягмар гарагт А.Крушельницкийгаас авсан сэргээшийн хоёр дахь сорилын хариу эерэг гарсан юм. Эхний сорилоор А.Крушельницкийн цусанд сэргээшийн төрөлд хамаарах “мельдоний” хэмээх бодис байгаа нь тогтоогдсон бол хоёр дахь сорилоор энэ нь нотлогдсон билээ. Тэрбээр сэргээшийн эсрэг хууль тогтоомжийг зөрчсөн гэдгээ хүлээн зөвшөөрсөн хэдий ч сэргээш хэрэглэсэн хэргээр Спортын арбитрын шүүх хуралд суухаас татгалзсан юм. Түүнчлэн нэхэмжлэлийн талуудын хүсэлтээр шүүх хурлыг цуцалж, Спортын арбитрын шүүх А.Крушельницкийг сэргээшийн эсрэг дүрэм журмыг зөрчсөн хэрэгт буруутгагдсаныг хүлээн зөвшөөрсөн байна.
Ийнхүү Норвегийн кёрлингийн тамирчин Кристин Скаслиен болон Магнус Недреготтен нар гуравдугаар байр руу шилжсэн байна. Норвегийн баг 8:4 онооны харьцаагаар Оросын багт ялагдаж байсан юм.
Оросын баг тамирчид нийт 13 медалийн эзэн болоод байсан хэдий ч одоогоор Пёнчаны өвлийн олимпийн наадмаас авсан нийт медалийн тоо 12 болсон байна.
Э.Аянзаяа  
Эх сурвалж: Монцамэ агентлаг

Оросын тамирчдын медалийг Норвегийн баг тамирчдад шилжүүлэх төлөвтэй байна
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.