Дуучин Ану: “Би гайхалтай, халуухан секстэй учирч байсан…”

4aa56d102e2959119e2ada7cd615e508

Хэн бүхний танил болсон “Үдшийн шивнээ” сэтгүүлийн нэгэн дугаарт ““3 охин” хамтлагийн гишүүн, дуучин Анугийн “Өөрийгөө шивнэе” буланд өгсөн халуухан сэдэвтэй ярилцлагыг та бүхэнд хүргэж байна.

Үдшийн Шивнээ: Дуучин бүсгүйчүүдээр сонин сайхан юу байна даа. Сүүлд гаргасан “Бамбино” дууны клип үнэхээр халуухан болсон байна лээ шүү?
Ану: За баярлалаа. Уран бүтээлээ хийгээд л явж байна даа. Шинэ жил дөхөөд нилээдгүй завгүй байгаа. Бамбино маань хүмүүст нилээн таалагдаж байгаад баяртай байгаа шүү.
ҮШ: Өөр ямар бүтээлээр шинэ оноо угтаж байна?
А: Яг шинэ оныг угтсан уран бүтээл гэвэл “UBS” телевизээс алдарт АВВА хамтлагийн дуунуудаар хийж буй мьюзиклд бид 3 тоглосон. Он солигдох үдэш гарах байх. Нилээн сонирхолтой байх болов уу.
ҮШ: Энэ удаагийн ярилцлага маань уран бүтээлээс хөндий байна гэдгийг дуучин бүсгүй маань анзаарсан биз ээ. Тэгэхээр хэрэв зөвшөөрвөл дуучин бүсгүйн халуухан хөнжил дэх хил хязгаарыг бяцхан зөрчсөн сэдвээр ярилцъя?
А: /Инээв/ Чадах ядахаараа хариулахыг хичээе.
ҮШ: Ану маань үдшээр хэн нэгэнтэй шивнэлдэж байгаа юу?
А: Одоогоор алга даа.
ҮШ: Залуусын хувьд ямар бодолтой байна. Ямар залуу Анугийн сэтгэл зүрхийг хөдөлгөж чадах вэ?
А: Өөрөөрөө байж чаддаг, жинхэнэ эр хүн шиг эр хүн надад таалагддаг. Бас соёлтой.
ҮШ: Сексийн талаар хоёулаа ний нуугүй ярилцвал ямар уу. Ануд секс хэр чухал вэ?
А: /инээв/. Нилээн хувийн сэдэв байна. Мэдээж хэрэг хүн, тэр тусмаа залуу хүн учраас секс чухал биш гэж хэлж чадахгүй.
ҮШ: Сексийг амьдралын зайлшгүй хэрэглээ гэдэг. Үүнтэй санал нийлэх үү. Яагаад?
А: Тиймээ, санал нийлнэ. Сексгүйгээр хүн төрөлхтөн хэрхэн өсч үржиж, хэрхэн хайрлаж дурлах билээ дээ.
ҮШ: Анугийн хуьд нэр алдар, уран бүтээл, сайхан хайр болон сексийг жагсаавал секс хэдэд нь орох бол?
А: Нилээн дээгүүр л жагсана даа. /Инээв/… Гуравт орно.
ҮШ: Хичнээн хайртай байсан ч сексээс нь таашаал авахгүй бол яах уу. Ийм зүйл зарим залууст тохиолддог юм билээ?
А: Үнэхээр хайртай бол хамтдаа энэ асуудлаа шийдэх арга зам хайх хэрэгтэй гэж боддог. Нэг сэтгэлтэй байгаад хичээх юм бол энэ асуудал биш ээ.
ҮШ: Нэгэнт ийм асуудал хөндсөнийх хоёулаа нууц амрагийн талаар бодлоо хуваалцъя. Нууц амраг байх ёстой, ёсгүй гэхээс илүү энэ харилцааг юу үүсгэдэг вэ гэдэг дээр ямар бодолтой байдаг вэ?
А: Анх дурлаж байхдаа хүн болгон хамгийн гайхалтай зүйлсийг мэдэрдэг. Амьдрал нэг л өөр, гэрэл гэгээтэй болоод ирдэг шүү дээ. Мөн үүнийг дурласан хүндээ ч мэдрүүлэх гэж хичээдэг. Харин хамт урт хугацааг ардаа орхиод ирэхээр бие биедээ шинэ байхаа болиод ч юм уу хайрлаж, дурлаж байсан мэдрэмжээ эргэн үгүйлдэг байх. Магадгүй бие биеэ хайрлах, анхных шигээ сонирхолтой байхаа болиод л нууц амрагтай болдог болов уу гэж бодож байна. Ер нь би нууц амрагийг хүлээн зөвшөөрдөггүй.
ҮШ: Энүүхэндээ гэж шивнэлдэхэд, тохиолдлын секстэй учирч байсан уу. Хэзээ ч мартагдамгүй, халуухан учралаасаа хуваалцаач?
А: Хэзээ ч мартагдамгүй учрал байлгүй яахав. Хүн нэг олдох насаа эргэж харамсах зүйлгүйгээр өнгөрөөх хэрэгтэй гэж боддог. Гайхалтай халуухан секстэй учирч байсан.
ҮШ: Ямар сексийг хамгийн халуухан гэх вэ. Санаачлагыг гартаа авч байсан үе бий юу?
А: Байлгүй яахав. Ер нь аль аль нь санаачлагатай байх ёстой биз дээ. Хамгийн их сэтгэл догдлолтой, хайртай, бас эрч хүчтэй сексийг л хамгийн халуухан гэж хэлэх байх даа.
ҮШ: Ингэхэд Ану гэр бүлээ хэрхэн төлөвлөж байгаа вэ. Хэзээ айлын эзэгтэй болох бол?
А: Төлөвлөж болдоггүй ганц зүйл хүний сэтгэл юм шиг байна /инээв/. Миний сэтгэл зүрхийг хөдөлгөж чадах, жинхэнэ хайртайгаа учирвал би өнөөдөр ч хамаагүй гэрлэхэд бэлэн байна. Энэ бол сэтгэл зүрхний асуудал учраас яарч хувьдаа төлөвлөдөггүй. Харин эзэгтэйн хувьд гайгүй эзэгтэй болох байх гэж бодож байгаа шүү.
ҮШ: Ер нь даруухан Ануг ямар эр хүн галзууруулах шахдаг бол?
А: Хүнд чин сэтгэлээсээ ханддаг хүн хэзээд хүний хайрыг татаж байдаг. Надад хүнтэй чин сэтгэлээсээ ханддаг, байгаагаараа байдаг эр хүн таалагддаг. Ер нь магадгүй энэ нилээн ховор чанар ч байж болох юм.
ҮШ: Сексгүйгээр хэр удаан тэвчиж чадах вэ?
А: Тодорхой хэлж мэдэхгүй байна. Шаардлага гарвал мэдээж хэрэг тэвчилгүй яахав. Нилээн удаан тэвчих байх шүү…
ҮШ: За энэ удаагийн халуухан ярилцлага маань үүгээр өндөрлөж байна. Сэтгэлээсээ шивнэлдсэн Анудаа баярлалаа. Шинэ оны уран бүтээлд нь өндрөөс өндөр амжилтыг хүсэн ерөөе!

Шивнэлдсэн: С.Ялгуун

  • 1
  • 2
  • 4
  • 5
  • 6
  • 7
  • 8
  • 9
  • 10
  • 11
  • 12

Дуучин Ану: “Би гайхалтай, халуухан секстэй учирч байсан…”
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.