Төрсний дараа гам барих, 40 хоног усанд орохгүй, хүйтэн усанд гараа дүрж болохгүй зэргийг илүү анхаардаг мөртлөө жирэмсний үеийн үзлэг, эхо, төрөлтөд бэлтгэх хичээл, амьсгалын дасгал, хоол тэжээлийн зөвөлгөөг орхигдуулдаг нь нярай жиндээ хүрэхгүй байх, суурь өвчинд нэрвэгдэх магадлал өндөр байдаг. Нэг үгээр бол хүүхдийн эрүүл байх эсэх нь аль аль үеэс шууд хамааралтай.
Мөн төрсний дараа ээж биеэн хэрхэн тордож гамнах явдал нь хожмоо эмэгтэйчүүдийн өвчнөөр өвчлөхгүй байх үндсийг тавина. Амаржсанаас хойш 6 долоо хоног буюу 42 хоног төрөлтийн дараах гам үргэлжилнэ. Энэ хугацаанд таны биед жирэмслэлт, төрөлттэй холбоотой гарсан өөрчлөлтүүд арилж эргэж хэвийн байдалдаа орно. “Маамаалсны” дараа эхийн биеийн байдал ерөнхийдөө ядрангүй байдаг
Төрсний дараах үед илрэх шинж тэмдгүүд:
Төрсний дараа умайн дотор хананд үүссэн шарх нь төлжтөл их хэмжээний шавхрага гарна. Шавхрага нь үнэргүй байх бөгөөд эхэн үедээ улаан хүрэн өнгөтэй, 2 дахь долоо хоногийн дараа өнгөгүй болж, 5-6 долоо хоногийн дараа бүрэн алга болно. Төрсний дараа хөх чинэрч, ангир уураг ялгарч, 1-3 хоногийн дараа хөхөнд сүү орно.
Төрсний дараах үеийн арчилгаа:
Төрсний дараагаар таны бие ерөнхийдөө ядрангуй, биеийн эсэргүүцэл суларсан, умайн дотор талд шарх үүссэн байна. Энэ үед ариун цэврийг муу сахиснаас халдвар орж хүндрэх аюултай гэдгийг анхаар.
Халдвар орохоос урьдчилан сэргийлэх:
Гадна бэлэг эрхтний эрүүл ахуйн дэглэмийг маш сайн сахиж, ариун цэврийн хэрэгслийг ойр ойрхон сольж, гадна бэлэг эрхтнээ өдөр бүр бүлээн усаар угаана.
Хооллох:
Ер нь болж өгвөл өөрөө илчлэг сайтай хоол идэх хэрэгтэй.Уураг ихтэй хүнсний бүтээгдхүүнээр хоол хийж, цэвэр эрүүл хоолло. Зарим бүсгүйчүүд хурдхан шиг жингээ хасахын тулд хоолны дэглэм барьж эхэлдэг нь маш буруу. Амьдралын хэвийн маягтаа эргэж орсны дараа турах хангалттай цаг гарна. Гэхдээ бас хөхөөр хооллож байгаа гээд замбараагүй идэж болохгүй. Өдөрт 2 аяга сүү ууж, 2 аяга цагаан идээ идэхийг зөвлөж байна. Өндөг, мах, загас, самар зэрэг уургаар баялаг хүнс сайн хэрэглэ. Мөн таны идэх хүнс хүүхдэд чинь хөхний сүүгээр дамжуулан нөлөөлөх учраас газтай ундаа, халуун ногоотой хоол зэрэг идсэний дараа хүүхдэд чинь ямар нэг өөрчлөлт орж буй эсэхд анхаараарай. Хэрвээ хоол хийх хэрэгтэй болвол хөлдүү, хүйтэн махнаас болгоомжилж ойр зуурын хөнгөн хоол хийгээрэй. Мөн дөнгөж төрсөн эх будаа идэж болохгүй гэдгийг сайн сана! Амин дэмээр баялаг, илчлэг, тэжээллэг төрөл бүрийн хоол хүнсийг ойр ойрхон, бага багаар хэрэглэнэ. Аль болох тайван, ая тухтай байж, өдөрт 8-12 цаг унтана.
Төрсний дараа баримтлах дэглэм:
5 хоногт- ээж хүүхэд 2 хамтдаа аль болох орондоо өдрийг өнгөрөөх
10 хоногт- хүүхдээ авч гадагш гарахгүй байх
14 хоногт- ээж ямар нэг ажил хийгүй байх (гэр цэвэрлэх, хоол хийх гэх мэт) хэрэгтэй ба
40 хоног өнгөрсний дараагаар энгийн амьдралын хэвэнд орж болно
Төрсний дараах дасгал, хөдөлгөөн:
Төрснөөс хойш 6 долоо хоногийн дараа, кесарово хагалгаанд орсон бол 8 долоо хоногийн дараанаас дасгал хийж эхэлж болно. Гэхдээ төрснийхөө 1 хоногийн дараанаас кегелийн дасгалаа эхлүүлж болно. Гэдэсний таталт-Шал юм уу гудсан дээр хэвтэж, хөлөө сандлан дээр тавиад гараа ардаа авч, мөр, толгой хоёроо өргөнө. Нурууны доод хэсгийг шалнаас хөндийрүүлэх хэрэггүй, гэдэснийхээ булчинг ажиллаж байгааг мэдэрч хийгээрэй. Үүнээс гадна эхний ээлжинд сайн алхаж байх хэрэгтэй. Гуяныхаа булчинг чангалахыг хүсч байвал гудсан дээр дээшээ харж хэвтээд, хоёр хөлөө нийлүүлэн өргөх дасгалыг хийж болно. Хэрэв их хэмжээгээр ядарч сульдах, доош цусархаг зүйл гарвал дасгал хийхээ зогсоо.
Төрсний дараа тохиолдох зарим нэг чухал зүйлсээс:
Ангир уураг- Хүүхдийн хамгийн анхны вакцин гэж нэрлэж болно. Үнэндээ эрдэмтэн судлаачид одоо хүртэл ангир уургийн агууламжийг бүрэн судлаж амжаагүй бөгөөд наад зах нь 100 гаруй төрлийн витамин, эрдэс давс, шимт бодис байна гэж үздэг. Энэ болгон нь зөвхөн нярайн хэрэгцээнд яг тохирсон хоол юм.
Умай хэвэндээ орох-Төрөх дөхсөн эхийн сав 40 дахин томорсон байдаг тул дараа нь буцаж хэвэндээ орохын тулд нилээдгүй хугацаа буюу 6 долоо хоног шаардлагатай. Хэдийгээр таны хэвлий мэдэгдэхүйц татарсан ч сав буцаж хэвэндээ орсон гэсэн үг биш. Өөрөөр хэлбэл энэ үеийг шавхарга гарах үе гэж нэрлэх ба бүтэн 9 сарын турш умайн ханыг бүрхэж байсан зузаан цусан давхарга гадагшилж байна гэж ойлгож болно. Энэ үедээ сайн амрахгүй мөн удаан хугацаагаар зогсвол цус ихээр гардаг нь таныг амрах хэрэгтэйг сануулж байгаа илрэл юм.
Хөхүүлэх- Хөхүүлэх бүр сүүний гарц улам нэмэгдэнэ. Сүү багатай байна гээд хөхүүлэхээ зогсоовол улам л сүүгүй болно гэсэн үг. Төрсний дараа хурдан амлуулвал сав сайн агшиж цус алдах хүндрэлээс ээжийг хамгаална.
Амралт-Төрсөн бүх ээжүүдэд тамир тэнхээгээ нөхөн авах (дуг хийх, ) зайлшгүй шаардлага бий. Ингэж байж шөнө өдөргүй хөхөх хүүхдийнхээ хэрэгцээнд хүрч халамжилж чадна. Юм угаах-Эхний сард боломжтой бол памперс хэрэглсэн нь дээр. Гэр бүлийн гишүүдийн хувцасыг нөхрөөрөө эсвэл өөр туслах хүсэлтэй хэн нэгнээр угаалгах нь таны хүч чадлыг гамнана.Тэгээд ч аяга таваг угаах гэх мэтийн нэг дор удаан зогсох ажил нь кегелийн булчинг ихээр ядраадаг.
Дэлгүүр явах-Төрхөөсөө өмнө амжиж хэрэгтэй зүйлсээ цуглуулах нь ухаалаг ээжийн арга. Учир нь төрсний дараа та нэг хэсэгтээ гарах боломжгүй ба нөхөртөө сайн захисан ч таны сэтгэлд нийцэхгүй зүйлийг бариад ирнэ гэж мөрийцсөн ч бэлэн байна.
