Өчигдөр дэлхийн номер нэг контент болох “The Voice Of Mongolia” шоуны хоёрдугаар шатны шалгаруулалт эхэлсэн. Тус шатанд оролцогчид хоёр хоёроороо халз тулаанд оролцсон бөгөөд үзэгчдийг хамгийн их талцуулж маргалдуулсан оролцогчид бол Баяржаргал, Насанбуян нар байлаа. Тэд бусад оролцогчдоо бодвол олны танил болоод чамгүй олон жилийг үдсэн бөгөөд тэдний тоглолт үнэхээр гал гарсан өрсөлдөөнийг харуулж чадсан. Үзэгчид тэднийг Поп дава Ариунаа, Сараа нартай адилтгаж байсан ба хэдийнээ тэдний фен болоод амжжээ. Тэдний шүүгч дасгалжуулагч Болд нэлээн бодсоны эцэст Насанбуянг багтаа үлдээсэн бөгөөд харамсалтай нь Баяржаргал энэ хүрээд тэмцээнийг орхилоо.
