Би нэгэн сайхан өдөр ирээдүйн ханьтайгаа учрах үедээ бага зэрэг санаа зовно гэдгээ сайн мэдэж байна. Гэхдээ энэ нь айсандаа биш, өдийг хүртэл ганц бие амьдралаар амьдарсантай минь илүү холбоотой. Энэ ганц бие байсан он жилүүд надад өөрийгөө таньж мэдэхэд тусалснаас гадна сайн ханьтай учрах ёстойг минь сануулсан байх. Одоо хүртэл бид хоёр учраагүй байгаа ч би чамд аль хэдийн хайртай болсон гэдгээ мэдэж байна.
1. Миний яриаг сонсох
Би ямар нэгэн зүйлд санаа зовохоороо утгагүй юм яриад эхэлдэг. Энэ нь чамайг надад ямар нэг сайхан зүйл хэлээсэй гэж хүссэндээ л тэр. Би хэтэрхий сэтгэл хөдлөлтэй, ухаалаг биш, хэрэггүй зүйлс яриад байгаагаа мэдэж байгаа ч өөрийгөө зогсоож дийлдэггүй.
2. Намайг битгий үл тоогоорой
Намайг ямар нэг буруу зүйл хийхэд минь битгий загнаж зэмлээрэй, түүний оронд ухаарал хайрласан үг хэлвэл би чамд улам их татагдаг болно. Бас үл тоомсорлож, битгий шолооч. Энэ бүхэн намайг маш их гомдоох болно. Би ядарсан үед чинь мөрийг чинь барьж, гутарсан үед чинь урмын үгээ харамгүй хайрлах болно. Чамайг ч бас тэгээсэй гэж хүсч байна.
2. Бодлоо хуваалцах
Би чиний бодол санаа, зүрх сэтгэл, юу хүсдэг, юунд дургүй, юу чамайг онцгой болгодог, юу чамайг сэргээдэг гээд бүгдийг мэдэхийг хүсч байна. Энэ бүхнээ надтай илэн далангүй хуваалцаач.
5. Тогтмол болздог өдөртэй болох
Энэ зүгээр л кино үзэх, гадуур зугаалах, баасан гараг тэмдэглэх гээд юу ч байсан болно. Би өмнө нь маш олон хосуудын хайрын гал бөхсөн талаар сонсож байсан. Хэдийгээр бид хоёр одоохондоо учраагүй байгаа ч бидний хоорондох энэ гал хэзээ нэгэн цагт бөхөхвий гэж үргэлж айдаг. Үнэхээр сэтгэл догдлуулж, зүрх булиглуулсан нь цаг зуурынх байх тохиолдол алийг тэр гэх вэ. Тийм болохоор хоёулаа тогтсон болзооны өдөртэй болвол сайхан биш гэж үү?
6. Хайрыг хайраар тэтгэх
Би чиний нүднээс хайрыг бүх биеэрээ мэдрэхийг хүсч байна. Яагаад вэ гэвэл би чиний төсөөлж байгаагаас ч илүү чамд хайртай байх болно бас чамайг ч надтай адилхан байгаасай гэж хүсч байна.
7.Хүсэл сонирхлыг минь няцаахад урам хугарна
Юуны өмнө би үргэлж чиний хажууд байж дуртай зүйлийг чинь дэмжихэд бэлэн байна. Харин миний ирээдүй нөхөр нөхөр намайг юунд дуртай, юу сонирхдогыг минь зөнгөөрөө мэдэрч аль болох дэмжиж байвал би ямар их баярлах бол. Дуртай зүйл, сонирхолдоо хөтлөгдсөн хүн сэтгэл хангалуун амьдардаггүй гэж үү.
8. Ааваас минь гуйгаарай
Учир нь би олон эрчүүд дунд өссөн ганц охин. Тэд намайг бүгд хүндэлдэг бас хайрладаг. Аав ганц охиноо өөрөөс нь гуйгаасаа гэж битүүхэн харах байх даа. Ах минь ч бас. Би аавыгаа эрдэнийн ганц шигтгээ шиг намайг энхрийлж өсгөсөн гэж боддог, түүнд маш их хайртай. Яг түүнд хайртай шиг чамд ч би тийм хайртай байх болно.
9. Чамаас суралцах зүйл их бий…
Хүн хайр энэрэл, уучлал, өршөөлийн тухай амьдралынхаа туршид хангалттай сайн суралцаагүй тохиолдолд заяаныхаа ханьтай учирдаггүй гэх юм билээ. Магадгүй чамтай учирахад энэ бүгдийг 100 хувь биш юмаа гэхэд 50 хувьд нь суралцсан байх болов уу. Миний алдаа дутагдлыг олж хараад, зөвөөр эргүүлбэл чиний биеийн нэгэн хэсэг суралцаагүй зүйлдээ суралцсаар байх болно.
