LBD-г анх Коко Шанель дэлгэрүүлсэн. Гэхдээ тэр үед Шанель өөрийнх нь дэлгэрүүлсэн бяцхан моодыг ийм олон янзаар өмсөж болно гэж төсөөлөө ч үгүй байх! Нэгхэн энгийн хар даашинз авчих.
Тэгээд л чи 10 өдөр өмсөх хувцастай болчихлоо л гэсэн үг. Чиний даашинз рок, винтаж, сонгодог, энхрий, ажил хэрэгч зэрэг дүр төрхүүдийн алинд хувирахыг гутал цүнх, акссесуар гурав чинь л шийднэ.
1. Хуучрашгүй классик-Одри Хепбюрний сонгодог хувцаслалт. Мэдээж хар даашинзыг амь оруулдаг цорын ганц чимэг бол сувд. Олон давхар сувдан хослолууд энгийн даашинзанд чинь сүр жавхлан, элегант өнгийг нэмнэ.
2. Цоглог шик-Янагийн ягаан өнгийн малгай, бугуйвч, гутал гурав чамайг дэгжин бөгөөд эрч хүчтэй, эмэгтэйлэг харагдуулна.
3. Бейж берет-Энхрийхэн стилийг оксфорд гутал, шаргал өнгийн берет, эсвэл нимгэн алчуур гурав бүтээж чадна.
4. Алтан “алим”- Энэ бол винтаж стиль. Хэн бүхний харааг булаахыг хүсдэг өвөрмөц дүр төрхтэй бүсгүйчүүд хэзээ ч анхаарлын төвөөс гадуур байж чаддаггүй алтлаг өнгийг сонго. Тэр дундаа сүрлэн малгай, энгэрийн зүү оруулвал бүр янзтай.
5. Сениорита-Час улаан уруул, час улаан хумсны аль нэгийг дээрх хувцаслалтан дээр тохируулаарай. I Wanna Kiss You Bambino!
6. Рок гүнж-Жижиг хар даашинз чиний бодож байгаа шиг уйтгартай хувцас биш шүү. Чи гадастай деним хантааз, түрийтэй хар гутал өмсөөд л рок гүнж шиг харагдаж болно.
7. Ажил хэрэгч-Ажлаа тараад шууд үдэшлэгт оролцохоор болвол яах вэ? Өглөө гарахдаа жижиг хар дашаинзандаа найд. Дээгүүр нь зөөлөн өнгийн пиджак өмсөөд, нүцгэн шаргал туфль өмсчихөд л чи хангалттай элегант бөгөөд загварлаг харагдана.
8. Үдшийн гялбаа-Жижиг хар даашинзаа партинд өмсөх гэхээр хэт энгийн санагдаад байж магадгүй. Тэгвэл дээгүүр нь гэрэлд гялбах материалтай хантааз, жакет өмсчих. Эсвэл өөртөө байгаа гутал, цүнхээр LBD-г яаж ч өөрчилж болно гэдгийг чи харсан байх.