Дуучин Зейн Малик болон супермодель Жижи Хадид нар салаад удаагүй байгаа билээ. Тэгвэл дуучин залуу “Let Me” шинэ дуугаа өөрийн экс найз бүсгүйдээ зориулсан гэнэ. Тодруулбал, тэрбээр энэхүү дуугаа 7-8 сарын өмнө Жижи Хадидад зориулан бичиж байсан гэдгээ нэгэн ярилцлагынхаа үеэр өгүүлжээ. Мөн тэрбээр “Би түүнд үнэхээр хайртай байсан. Энэ нь ч илт байсан биз ээ. Мөн би хэн нэгнийг үлдсэн амьдралынхаа туршид хайрлаж, түүгээр ч бас үлдсэн амьдралынх нь туршид хайрлуулахаар эрмэлзэж байсан. Гэхдээ юмс өөрчлөгдөж, бид амьдралдаа урагш алхдаг. Цаг үе ч өөрчлөгддөг. Гэхдээ тийм ээ, тухайн үед би энэ дууг бичиж байхад тийм л юм бодож, төлөвлөж байсан” гэсэн байна.