“The Voice Of Mongolia” шоунд цор ганцаар гоц мөргөж дараагийн шатанд шалгарсан нэгэн бол С.Тэлмэн. “Халз тулаан” шатанд өрсөлдөгч нь тэмцээнд оролцох боломжгүй болсноор автоматаар дараагийн шатанд тэнцэхийн сацуу дуучин Болд, Ану нартай хоршин дуулаад авсан тэрээр тус тэмцээний аз нь шовойсон цорын ганц оролцогч гэхэд хилсдэхгүй. Тус тэмцээнийг зорин алс холоос ирсэн тэрээр өөрт байсан томоохон зүйлийг золиосолж энд иржээ. Урлагийн гэр бүлд өсөн торнисон түүний эмээ, өвөө тун ч чадварлаг дуучид.Түүний эмээ хүн бүрийн сайн мэдэх “Миний ардын сэтгэл цагаан” хэмээх дууг анх амилуулсан нэгэн бөгөөд өвөөгийнх нь нэрэмжит драмын театр Хөвсгөл аймагт байдаг ажээ. Хилийн чанадад эрдэм номын мөр хөөж явсан тэрээр “Миний хувьд Маш сайхан дурсамжтай тоглолт болж өнгөрлөө дараагийн шатандаа улам хичээж сайхан тоглолт үзүүлэх болно оо баярлалаа” хэмээсэн байх бөгөөд дараагийн шатны бэлтгэлдээ хэдийнээ ороод эхэлжээ.
Б.Болор
Эх сурвалж : Factnews.mn
