Хийлч Дээгий эрчүүд болон эмэгтэйчүүдийн харилцааны талаар тун ч өвөрмөц үзэл бодлоо илэрхийлдэг нэгэн. Өөрийгөө эр хүн шиг эр хүнтэй хамт амьдардаг хэмээн тодорхойлдог тэрээр “Ер нь эрэгтэй хүн яаж бие хүн болж төлөвшихөд яалт ч үгүй аав хүн байх ёстой, ялангуяа эрэгтэй хүүхдэд. Ээж хүн бол яахав хайрлаж л чадна, бид нар хайрлах л үүрэгтэй. Тэрнээс биш амьдралд хөтлөөд явна гэдэг бас л чадахгүй асуудал ш д. Гэхдээ эрэгтэй хүнд үүрэг хариуцлага гэдэг юмыг маш сайн ухамсарлуулж өсгөх юм бол том болоод ар гэрээ аваад явахдаа үүрэг хариуцлагатай байх юм шиг ээ. Эрэгтэй хүн эцсийн эцэст ар гэрээ авч явах ёстой тэ, гэтэл манай хүүхнүүд өөрсдөө бүр аймар мундаг болчихсон байхгүй юу. Энэ эрийг хараад ч яах юм, ингэж амьдраад ч яах юм гээд эмэгтэйчүүд нь өөрсдөө зүтгээд эхлэхээр яалт ч үгүй баланс алдагдаад эхэлж байхгүй юу. Эр хүнийг мөнгө олдог болгох тэр хөшүүргийг, механизмыг эмэгтэй хүнээс маш сайн гаргаж байх ёстой байхгүй юу. Тэгэх юм бол эрэгтэй хүн чинь ажиллаад, үүрэг хариуцлагаа ухамсарлаад явна. Тэгэхгүй бол нөхрүүдээ нульж хаячхаад би гээд л зүтгээд тэгснээ өөрөө бөөн уур бухимдлын үүр болж хувираад. Гэтэл нөгөө эрэгтэй нь энэ ингээд болгочихдог юм чинь гээд үр хүүхдээ хараад суучихдаг ч юм уу асах их тийм үзэгдлүүд байдаг” хэмээжээ. Эмэгтэйчүүдийг тун ч гүргэр хэмээн тодорхойлоод авсан тэрээр эмэгтэйчүүдэд “урдуур нь орохоо л больчих” хэмээн сургаад авав.
Б.Болор
Эх сурвалж : Factnews.nm
