Гадаад оронд амьдрах нь өөртөө итгэх итгэлийг нэмэгдүүлдэг

20747

Бид Instagram олон нийтийн сүлжээнд гайхалтай аяллын зургуудыг өдөр бүр харж, урам зориг авдаг. Гэхдээ бидэнд яг одоо паспортоо авч, чемоданаа баглаад аялалд гарах өөр чухал шалтгаан бий юу? Мэдээж байгаа. Өөр улс руу аялах нь таны Instagram хуудсыг илүү өнгөлөг, сонирхолтой болгож, шинэлэг мэдрэмж, амьдралын туршлага өгөөд зогсохгүй хувь хүний хөгжилд нөлөөлж, карьер ба амьдралдаа зөв шийдвэр гаргахад тань тусалдаг болохыг Колумбын их сургууль, Райс их сургууль ба Хойд Каролинагийн их сургуулийн эрдэмтэд баталжээ.

Судлаачдын баг нийт 1,874 хүнийг хамарсан зургаан судалгаа хийсэн байна. Энэхүү судалгаануудын үр дүнд гадаад улсад амьдардаг хүмүүс өөртөө итгэлтэй болж, өөрийгөө илүү сайн ойлгож, юу хүсч буйгаа мэддэг болсон байдаг нь тогтоогджээ. Ингэснээр хүмүүс карьер болон амьдралдаа илүү зөв шийдвэр гаргах хандлагатай байдаг гэдгийг судлаачид онцолсон юм. Гэхдээ аялж, амьдарсан улсын тооноос илүү тухайн оронд хэр удаан хугацаанд амьдарсан гэдэг нь чухал гэнэ. Бүр тодруулбал тухайн хүн гадаад оронд илүү удаан амьдарсан байх тусмаа өөрийнхөө юу хүсч байгааг мэдэж, зөв шийдвэр гаргадаг гэсэн үг юм.

Мөн гадаадад амьдарснаар тухайн хүн өөрийнхөө давуу тал ба үнэт зүйлсийнхээ талаар илүү сайн ойлголттой болдог бөгөөд яг ямар төрлийн карьер өөрт нь хамгийн тохиромжтой болохыг тодорхойлдог гэдгийг судлаачид нэмж онцоллоо.


Гадаад оронд амьдрах нь өөртөө итгэх итгэлийг нэмэгдүүлдэг
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.