1. Үдэшлэг болох өдрийн болон, маргааш өдрийнхөө ажлыг урьдаас бэлтгэж тавь. Гэнэтийн урилга ирсэн тохиолдолд ч тэр, эрсдлийг тооцоолж маргааш нь хэрэг болох наад захын зүйлсээ бэлдээрэй.
2. Партинд гарахаасаа өмнө өөрийнхөө хамгийн дуртай хэмнэлтэй аянуудыг сонсож дотроосоо хал. Анхнаасаа “настр”-тай очих юм бол, хөгжилдөхийн тулд заавал хундага юм уух шаардлагагүй болно.
3. Гарахаасаа өмнө аяга сүү, мандарин идээд гар. Ходоодонд тодорхой хэмжээний бүрхүүл үүсгэдэг учраас амархан согтоохгүй, бас шартуулах нь бага.
4. Хэрвээ парти зохиох гэж байгаа бол, алкогольны хэмжээг 30 хувь, ундаа усны хэмжээг 70 хувиар бүрдүүл. Мөн идэх юмтай байлгахаа ч бүү март. Ажлаа тараад хоосон ходоодтой ирсэн зочид чинь шууд архи уувал амархан согтох ба эрүүл мэндэд нь ч муу. Ширээгээ юм юмтай байлга.
5. Үдэшлэгт очихоосоо өмнө өөртөө дүрэм зохио. Хэзээ “хангалттай”-д тооцож гарах, ямар үед хэн рүү залгах, хяналтаа алдахгүй байх гэх мэт. Юу болохыг хэн ч таахгүй, тиймээс ямар ч байсан эрэгтэй бэлгэвч халаасандаа хий.
6. Эмэгтэй хүний биед эрэгтэй хүнийхээс илүү бага шингэн агуулагддаг. Тиймээс ч бидний шарталтын болон согтолтын хэмжээ илүү өндөр байдаг аж.
7. Албан байгууллага юм уу найзуудын үдэшлэгийн үеэр үргэлж завгүй байхыг хичээ. Шинэ танилтай болж бусадтай ярилц.
8. “Шахалт”-аас зугтаа. Эелдэг гэхдээ шийдэмгий байх хэрэгтэй. Хангалттай хэмжээнд уусан гэдгээ хэлээд, үдэшлэгийн гол утга учир согтоход биш гэдгийг сануул. Найзууд чинь уурласан ч, инээмсэглэсэн чигээрээ булт.
9. Аль хэдийн согтчихоод байхад нь хэн нэг найзыгаа бүү “хундага юм”-аар шах. Хүн бүр өөрийнхөө хүслээр байж гэмээнэ, үдэшлэг чинь хөгжилтэй болно шүү дээ.
10. Хэрвээ найзуудтайгаа цуг явж байгаа бол, тэднээс нэг их бүү холдоорой. Бие биедээ анхаарал тавьж, бие биенээ өмгөөлж хамгаал. Гэхдээ үүнийхээ хажуугаар хамтдаа нарги.
11. Нэг л хундага уусан бол бүү жолоо барь. Согтууруулах ундааг басч болохгүй шүү. Архи нь тэр дороо биш, хэсэг хугацааны дараа согтоож эхэлдэг тул, анхандаа эрүүл мэт байснаа машин барьж явахад чинь гэнэт толгой чинь эргэж осол аваарь гаргаж мэднэ. Бас бага ч болов уусан хүний машинд бүү сууж яв.
12. Хэрвээ чиний сарын тэмдэг ирсэн бол, жирийн үеийнхээсээ ч бага уух хэрэгтэй. Учир нь энэ үед бүсгүй хүн согтох нь илүү амархан байдаг.
13. Өөрийнхөө хундагыг сольж болохгүй. Мөн ширээн дээр байгаа өөр хүний хундагатай юмыг ууж хэрхэвч болохгүй. Чамайг айлгах гэсэн юм биш шүү! Гэхдээ дотор нь юу ч хийчихсэн байж мэднэ. Болгоомжтой бас эрүүл шоуд.
14. Томоохон хэмжээний үдэшлэгийг тартал нь байх гээд хэрэггүй. Хэрүүл маргаан, зодоон цохион, бас бус үдэшлэгний “гамшиг”-ууд тарах дөхөх үед л эхэлдэг. Тиймээс оргил цэгт нь хүргээд л гар. Чамд л хангалттай сайхан байсан бол болох нь тэр.
15. Шөнийн клубт эрэгтэй хүнтэй танилцах нь тийм ч сайхан санаа биш. Учир нь тэр чамаас тогтвортой харилцаа хүсэх нь юу л бол. Юу ч болж байсан найзуудаасаа ганцаараа үлдэж болохгүй ба тэгвэл нэг шөнийн явдал хайсан эрчүүдийн нүдэнд амархан өртөх магадлалтай.
16. Гэхдээ нөгөө талаас, хэрвээ чи өөрөө нэг шөнийн явдалд нээлттэй ханддаг бол хүнээ болгоомжтой сонгоорой. Тэгээд хамгаалалт, хамгаалалт, бас дахин хамгаалалт!
17. Хамгийн сүүлийн зөв партидах зөвлөмж. Инээж хөхрөлд, хундага тулган ерөөл хэл. Хөлсөө гартал бүжиглэ, чамайг хэн ч харахгүй байгаа юм шиг л өөрийнхөө дуртай хөдөлгөөнийг хий. Сэтгэлээ сул тавь. Үдэшлэгт стрессээ тайлах гэж ордог болохоос, нэмэх гэж ордоггүй.
