Орчин үед оффист ажилладаг эмэгтэйчүүд нүүр будалт, хувцаслалтандаа анхаардаг болсон билээ. Энэ нь ч цалин хөлс болоод ирээдүйн амжилтанд онцгой нөлөөтэй болохыг судалгаагаар тогтоожээ. Сэтгэл судлаач Жаклин Вонг, Эндрю Пеннер нар гадна төрх, дур булаам байдалд онцгойлон анхаардаг эмэгтэйчүүд болон тэдний цалин, орлогын хамаарлыг судлахаар 14000 ажилтны мэдээллийг цуглуулсан байна. Үүний үр дүнд нүүрээ будаж, сайхан хувцасладаг эмэгтэйчүүд бусдаас хамаагүй өндөр орлоготой байдгийг тогтоожээ. Эндээс гоо сайхандаа төдийлөн анхаардаггүй эмэгтэйчүүд амжилт муутай байх магадлалтай гэсэн дүгнэлтэнд хүрчээ.
Амжилттай яваа эрчүүдийн хувьд ч гэсэн гадаад байдалдаа анхаарах нь чухал гэнэ. Магадгүй та ажлаа л сайн хийж байвал хувцас загвар, гоо сайхан ямар ч хамаагүй гэж бодож болох юм. Үнэндээ энэ бол таны өдөр тутмын ажилтай тийм ч хамааралтай зүйл биш боловч өөртөө анхаардаг хүмүүс бусдаас давуу байдаг ажээ. Тэд илүү зохион байгуулалттай, цагийг зөв ашигладаг, эмх цэгцтэй, бүтээлч байдаг.
Тэгэхээр үс, хумс, нүүр будалтандаа анхаарах тусам өндөр цалин авах магадлалтай гэнэ. Нүүрээ будахгүй, үсээ байнга ардаа боогоод байвал санхүүгийн хувьд асуудалтай болж мэдэх нь ээ.
Эх сурвалж: Metro.co.uk
