Д.Элбэгзаяа /Зургадугаар сарын бороо/

31594

Дэнж гоёх гээд айлууд зусландаа бууж байхад
Дэлгэцтэй ааруул нортол зүсрэхгүй яагаад удна вэ?
Хур хүссэн мөрөөдөл үүл шиг хуралдаж байхад
Хураасан аргал норгож шиврэхгүй хаана саатна вэ?
Зургадугаар сарын бороо чи
Зуншлага дэлгэрүүлж орохгүй юунд тунирхана вэ?
Ургах л гэж цэцэгс яарч байхад
Учрах л гэж залуус болзож байхад
Удаан хүлээсэн бороо чи
Уянга нэмж шаагихгүй хаана
нуугдана вэ?
Нимгэн тэрлэгээ норгож удаан зогсмоор байхад
Нүцгэлж жаалууд гэр тойрон гүйлдмээр болтол
Орох дуслын чинь тоогоор шүлэг тэрлэмээр байтал
Оройтсон намраар биш одоо л орохгүй яагаа вэ?
Ачаатай тэмээд шиг үүлс тэнгэрээр нүүж ирэхэд
Аргадаж ижий минь цацлаа өргөж байхад
Тахилгат хайрханаа өвгөд минь тахисаар байтал
Тал нутагт минь шиврэхгүй юунд дуншина вэ?
Зургадугаар сарын бороо чи
Зуныг хөтлөөд ирэхгүй юунд удна вэ?
2018/06/11


Д.Элбэгзаяа /Зургадугаар сарын бороо/
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.