Шүдээ гэмтээлгүйгээр цасан цагаан инээмсэглэлтэй болох боломж бий. Гэхдээ заавал эмч рүү гүйх шаардлагагүй, зарим төрлийн бүтээгдэхүүнийг л хүнсэндээ хэрэглэхэд хангалттай. Аль ч эмнэлэгт шүд цайруулахад багагүй өртөг гардаг. Тиймээс гэрийн нөхцөлд паалангаа гэмтээлгүйгээр шүдээ цайруулж болох хүнснүүдийг жагсааж байна.
Цитрусын төрлийн жимс.Шүлс ихээр ялгаруулдаг. Харин шүлс нь шүдний эдэд эмчилгээний эрдэс бодисыг шингээдэг. Гэхдээ хэтрүүлбэл шүдний паалан нимгэрэх аюултай. Тиймээс энэ төрлийн жимсийг паалангаа цайруулах зорилгоор 7 хоногт 2-3-иас илүүгүй хэрэглэж болно.
Гүзээлзгэнэ бол шүдний үйл ажиллагаанд сайнаар нөлөөлдөг жимс. Учир нь “ксилит” хэмээх бодисоор баялаг бөгөөд шүдний гадаргууг цэвэрлэж, илүү цагаан болгодог.
Цагаан гаа нь амны хөндийг эрүүлжүүлэх, шүдний цагаан байдлыг алдагдуулахгүй байх давуу талтай. Шинжээчид цасан цагаан шүдтэй болохын тулд шинэхэн цагаан гаа хэрэглэхийг зөвлөдөг. Бактерийн эсрэг үйлчилгээтэй цагаан гаа нь хорхойдолтоос сэргийлж, шүдийг өнгөр, аюултай бичил организмаас цэвэрлэдэг.
Базилик хэмээх ногоон ургамал нь шүдний пааланд үрждэг бактерийг устгадаг. Ингэснээр шүд цагаан, эрүүл байдлаа хадгалдаг байна.
