Шорлогны мах амтлах ТОП 20 шалгарсан жор

32488

Ямар төрлийн махыг ямархуу амтат сүмсээр хэрхэн амтлаж салахын аргагүй амттай шорлог хийж сурмаар байвал энд анхаарлаа хандуулна уу.

Шорлог хийх махны төрлөөс шалтгаалан 500гр мах тутамд хэрхэн өөр өөр амч, чанартайгаар амтлах жоруудыг хүргэж байна. Махны хэмжээ ихсэх тусам амтлагч орцуудаг нэмээрэй.

  1. Халуун сүмстэй, хонины махан шорлог

- Сонгино 1 ширхэг

- 2-3 хумс сармис

- 30мл нимбэгний шүүс

- нунтаг халуун чинжүү

- давс амталгаагаар

Хийх арга: Сонгино, сармисыг жижиглэн хэрчиж давс, чинжүүгээр амтлаж сайтар хутгана. Нимбэгний шүүсийг хийж сайтар хутгаад шорлог хийх махыг бүх талаас нь сайтар амтлаж хутгаад сэрүүн газар 4-6 цаг байлгана.

Шорлогны мах амтлах ТОП 20 шалгарсан жор

  1. Шар айрагаар амталсан гахайн махан шорлог

- 100гр сой соус

- 75гр зөгийн бал

- 100мл шар айраг

- 2 хумс сармис

- улаан чинжүү амталгаагаар

- розмарин амталгаагаар

Хийх арга: Сармисыг жижиглэн хэрчээд бусад бүх амтлагчтай хольж сайтар хутгана. Ингээд гахайн махыг нэг бүрчлэн сайтар амтлаж хутгаад хөргөгчинд хийж 1 хонуулна.

Шорлогны мах амтлах ТОП 20 шалгарсан жор

  1. Базилик, ореганогоор амталсан Тахиан махан шорлог

- 3 хоолны халбага оливын тос

- 1/2 нунтаг сармис/ чеснок

- 1/2 нимбэгний шүүс

- Давс, хар перц амталгаагаар

- Яншуй амталгаагаар

- Базилик амталгаагаар

- Орегано амталгаагаар

Хийх арга: Жижиглэн хэрчсэн амтлагч ургамлууд дээр оливын тос, нимбэгний шүүс, нунтаг сармис, давс, перцийг хийж сайтар хутгаад тахиан махыг амтлаад 30-60 минут байлгасны дараа шорлог хийж болно.

Шорлогны мах амтлах ТОП 20 шалгарсан жор

  1. Халуун сүмстэй гахайн махан шорлог

- 2 ширхэг сонгино

- Хар перц амталгаагаар

- 1-2 ширхэг лаврын навч

- Халуун чинжүү амталгаагаар

- Давс амталгаагаар

Хийх арга: Сонгиныг жижиглэн хэрчээд ургамлын тос, чинжүү болон бусад амтлагчыг хольж сайтар хутгаад махыг амтлаад сэрүүн газар 5-6 цаг байлгана.

Шорлогны мах амтлах ТОП 20 шалгарсан жор

  1. Улаан дарсаар амталсан үхрийн махан шорлог

- 200мл хуурай улаан дарс

-50мл оливын тос

- Розмарин амталгаагаар

- Гоньд амталгаагаар

- Чили /халуун чинжүү/ амталгаагаар

Хийх арга: Оливын тос, дарсыг хольж сайтар хутгаад үлдсэн амтлагчыг хийж хутгана. Ингээд махыг амтлаж холиод  тасалгааны температурт 30 минут болгоод шорлог хийхэд бэлэн болно.

Шорлогны мах амтлах ТОП 20 шалгарсан жор

  1. Чихэрлэг сүмстэй үхрийн махан шорлог

- 1 хоолны халбага бор сахар

- 2 хумс сармис

- Давс, хар перц амталгаагаар

- 2 хоолны халбага оливын тос

- 2 хоолны халбага бальзамын цуу

- 1 хоолны халбага гич

- 1 хоолны халбага гоньд

Хийх арга: Жижиг аяганд гич, оливын тос, бальзамын цуу, бор сахар, давс, хар перц, жижиглэн хэрчсэн сармис, гоньд, хүсвэл розмаринийг хийж сайтар хутгаж холино. Энэхүү сүмсийг хэрчсэн үхрийн махан дээр тарааж хийгээд сайтар хутгаж амтлаарай. Ингээд хөргөгчинд хийж 1-2 цаг байлгана. Эсвэл хонуулсан ч болно Улам л сайхан амттай болно.

Шорлогны мах амтлах ТОП 20 шалгарсан жор

  1. Таргаар амталсан загасны махан шорлог

- 1 ширхэг сонгино

- 2 хумс сармис

- 1 цайны аяга тараг

- 3 хоолны халбага ургамлын тос

- 1,5 хоолны халбага зөгийн бал

- 2 хоолны халбага нимбэгний шүүс

- Гоньд, хар перц, чинжүү, давс амталгаагаар

Хийх арга: Шорлогоо амтлаж идэх амтат сүмсийг бэлтгэхийн тулд 1 цайны аяга тараг, сармис,  нимбэгний шүүс,  гич,  зөгийн бал, хатаасан ногоон гоньд хийж миксэрдээд л шорлогны амтат сүмс бэлэн боллоо. Шорлогийг шарах явцдаа гадна талаас нь давс, хар перц, паприка, сонгино сармисны нунтаг, гоньд, орегано, лайм шүүс зэргээр амтлаарай. Ер нь загасны мах хурдан болдог учраас таны шорлог түүхийрнэ гэж айх хэрэггүй. Шорлог гадна талаасаа түлэгдэж, мах, ногооны сайхан үнэр анхилах болно.

Шорлогны мах амтлах ТОП 20 шалгарсан жор

  1. Халуун сүмстэй тахиан махан шорлог

- 1 ширхэг сонгино

- 2 хумс сармис

- 15 гр ногоон сонгино

- 1 цайны халбага ургамлын тос

- 1/2 цайны халбага нимбэгний шүүс

- 50-60гр яншуй

- 1 цайны халбага халуун чинжүү

- Давс, хар перц амталгаагаар

Хийх арга: Ингэхийн тулд яншуйг хүйтэн усанд угаасны дараа жижиглэн хэрчиж автомат холигч/ блендэрт хийнэ. Үүний дараа ногоон сонгино, сармис зэргийг мөн адил жижиглэн хэрчээд холигчинд хийгээрэй. Ингээд лайм жимс эсвэл нимбэгний шүүсийг шахна. 1 цайны халбага ургамлын тос, халуун сүмс хийнэ. Мөн давс, хар перц зэргээр нэмж амтлаарай. Ингээд сайтар хольж миксэрдэхэд ногоон ургамлууд задарч, амтлагчууд ууссан байх болно. Махыг амтлаад битүү таглаж 30 минут эсвэл түүнээс ч удаан хэдэн цагаар ч хадгалан хонуулж болно. Ингэвэл бүр л сайхан амттай болно гэсэн үг.

Шорлогны мах амтлах ТОП 20 шалгарсан жор

  1. Таргаар амтлаж шарсан тахиан махан шорлог – Орос жор

- 1 ширхэг сонгино

- 2 хумс сармис

- 1 цайны халбага нимбэгний шүүс

- 1 цайны халбага паприка

- Давс, хар перц амталгаагаар

- 1 хоолны халбага ургамлын тос

- 1 цайны аяга органик тараг

Хийх арга: Томхон саванд чихэргүй органик тараг, ургамлын тос, нимбэгний шүүсийг хийж сайтар хольсны дараа жижиглэн хэрчсэн сармис, сонгино, паприка, давс, хар перц болон өөрийн дуртай нэмэлт амтлагчыг хийнэ. Тахиан цээж махыг шорлох хэмжээгээр дөрвөлжин хэрчсэний дараа дээрх сүмсэнд хийж дор хаяж 4 цаг эсвэл хонуулсан ч болно. Ингэвэл илүү сайхан амттай болох болно. Жич: Тарагны оронд цөцгий эсвэл энгийн майонез ашиглаж шорлогны махыг амтлахад нэн сайхан болдгийг санаарай. Цөцгий, тараг зэргээр амтлаж шорлог хийх гэж байгаа бол хамгийн тохиромжтой мах бол тахиан мах юм.

Шорлогны мах амтлах ТОП 20 шалгарсан жор

  1. Майнозаар амталсан тахиан махан шорлог

- 1 цайны аяга майноз

- 2 хумс сармис

- Давс, хар перц амталгаагаар

Хийх арга: Сармисыг жижиглэн хэрчээд майнозанд хийж давс, перцээр амтлаад тахиан махтай холиод 30 минут байлгана.

Шорлогны мах амтлах ТОП 20 шалгарсан жор

Дээрх аргуудаас гадна махны төрөл хамаарахгүйгээр хийж болох сүмснүүдийг сонирхуулж байна.

  1. Дарсаар амталсан гахайн махан шорлог

Дарсаар амталж даршлах арга нь гахайн маханд илүү тохиромжтой байдаг.  Махаа хэрчиж, нунтаг кориандр, перц, давс цацаж, сайтар холино. Үүний дараа бага зэрэг дарс хийгээд хонуулах хэрэгтэй.

  1. Кавказ маягаар амталсан шорлог

Хэрэв таны шорлог хийхээр сонгож авсан мах шинэ, сайхан бол болох нь тэр. Учир нь махны төрөл хамаагүй. Кавказад, жишээ нь шинэхэн гахайн махыг “хийжүүлсэн эрдэст ус”-нд 2-3 цагийн турш сойдог. Дараа нь давс, перцээр амтлаад шарах хэрэгтэй.

  1. Кивигээр амталсан шорлог

Киви махыг маш сайн зөөлрүүлдэг. Тиймээс хонь, үхрийн маханд илүү тохиромжтой. Сонгиноо сайтар жижиглэж, харин кивигээ жижгэвтэр шоо дөрвөлжин маягаар хэрчинэ. Махаа шарахад тохируулж томоохон хэрчим болгоод амтлагч, сонгино, кивигээ хольж, бага зэрэг давс цацаад, эрдэст ус нэмээрэй. Ингэж дарсан мах хурдан амт орж, зөөлөрдөг.

  1. Ткемали сүмс

Сонгиныг цагариг хэлбэртэй, махаа томхон, улаан лоолийг өргөн цагариг хэлбэртэй хэрчинэ. Нимбэгийн шүүс шахаж бэлд. Нохойш хошуу болон перцийг холиод махаа давсалж, бэлдсэн амтлагчууд, ткемали, нимбэгийн шүүсээ холино. Ингээд махаа дээр дээрээс нь давхарлангаа сонгино, улаан лооль, ногоогоо завсар нь хийж өгөөд 3 цаг  битүү таглаж байлгаарай.

  1. Цагаан гаа, буурцагны сүмстэй үхрийн махан шорлог

Энэ даршлах арга үхрийн маханд илүү тохирно. Цагаан гаагаа үрж, махаа томхон хэрчинэ. Махаа цагаан гаа, улаан перцээр амтлаад буурцагны цуу нэмж хутгаад 2- 3 цаг байлгаарай.

  1. Гичний сүмсэнд болгосон гахайн махан шорлог

Гахайн мах болон гич-майонезны сүмс хоорондоо маш гоё зохицдог. Махаа хэрчээд давс, перц, зөрөг цэцэг /хмели/, майонез, гичээр амтална. Дараа нь мах, сонгино гэх дарааллаар тавиад дээр нь нимбэгийн шүүс асгаж, дулаахан газар хэсэг байлгасны дараа хөргөгчинд 5-7 цаг байлгана.

  1. Улаан лоолийн шүүсэнд амталсан шорлог

Махаа хэрчээд давс, перцээр амтална. Бага зэрэг ургамлын тос, дарс, “Worcestershire” сүмс нэмнэ. Дараа нь улаан лоолийн шүүсээ хийгээд 3-4 цаг дарна.

  1. Цайнд дарах

Хэрчсэн махаа давс, амтлагчаар амтлаад хөргөсөн цай ахиухан хийж өгнө. Махаа далд ортол 8-12 цаг орчим хөргөгчинд байлгаарай.

  1. Анар, цагаан гаанд дарах

Махаа томхон хэрчинэ. Цагаан гаагаа давстай цуг сайтар хольж байгаад махан дээрээ цацаж өгөөрэй. Улаан лоолио хэрчиж махан дээгүүрээ хучаад, дээрээс нь анарыг шүүс хийнэ. Дарах хугацаа 3-4 цаг.


Шорлогны мах амтлах ТОП 20 шалгарсан жор
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.