Дэлхийн мисс шалгаруулах 62 дахь удаагийн тэмцээн БНХАУ-ын Ордос хотноо зохиогдож байна. Тус тэмцээнд Монгол Улсыг төлөөлөн “Шинэ өнгө” продакшны найруулагч Ц.Хүсэлбаатар, жүжигчин С.Өлзийхүү нарын охин Х.Баярмаа оролцож байгаа юм. Тэрбээр өнгөрсөн долдугаар сарын 21-нд болсон “Miss World Talent 2012” буюу авьяаслаг миссийн шалгаруулалтын шилдэг 24 оролцогчийн нэг болж, наймдугаар сарын 10-нд болох финалын шалгаруулалтад оролцох эрхээ авсан байна. Түүнчлэн долдугаар сарын 23-нд болсон топ моделийн тэмцээний шалгаруулалтад тэнцэж, шилдэг 47 гоо бүсгүйн нэг болжээ. Өнөөдөр “Дэлхийн мисс 2012” тэмцээний оролцогчид “Miss World Beach Beauty” шалгаруулалтад өрсөлдөж байгаа юм.
“Дэлхийн мисс 2012”-ын ялагч наймдугаар сарын 18-нд тодорно.
Мисс Х.Баярмаагийн гэрэл зургийг ЭНД дарж сонирхоно уу.
