Солонгос гаралтай америк бүсгүй болох Toni.K анх 13 насандаа аав ээжийн хамт Америк улсад ирэхдээ одоогийн энэ их амжилтын эзэн болно гэдгээ төсөөлөө ч үгүй явсан биз ээ. 25-хан насандаа тэрээр нэгэн байр (өрөө) түрээслэн үйл ажиллагаагаа эхлүүлсэн нь NYX COSMETICS брэндийг үүсгэн байгуулах эхлэл байжээ. Тэрээр мэргэжлийн нүүр будалтын бүтээгдэхүүнүүд (MAC, KRYOLAN, BOBBI BROWN г.м) болон энгийн “drugstore” бүтээгдэхүүний хооронд асар их үнийн бөгөөд чанарын зөрүү байгааг анзаарч энэ зөрүүг үгүй болгосон, “мэргэжлийн нүүр будалтын бүтээгдэхүүний” чанартай, “drugstore” үнэтэй брэнд бий болгохыг зорьж байсан бөгөөд түүндээ ч хүрч чадсан юм. Тэрээр байгуулсан анхны жилдээ л гэхэд ганц ажилтантайгаар (тэр нь өөрөө) 2тэрбум гаруй борлуулалтыг хийж чадсан нь явсаар одоогийн хэмжээний дэлхийд алдартай мегабрэнд болжээ. Одоо түүний байгуулсан энэхүү брэнд нь дэлхийн 80 гаруй оронд салбар дэлгүүрүүдээ нээж, жилдээ хэдэн тэрбумын долларын борлуулалт хийж, дэлхий даяар охид бүсгүйчүүдийн зүрх сэтгэлийг булаасан брэнд болоод байна.