Доржсүрэнгийн Сумъяа
Рио 2016 оны Олимпийн Мөнгөн медальт, 2015 оны Дэлхийн Аваргын Хүрэл медальт, Дэлхийн шилдэг 16 бөхийн Гурван удаагийн Аварга, 2017 оны Дэлхийн Аварга МУГТ Доржсүрэнгийн Сумъяа.
Финалын Барилдаан: Японы Хүчтэй Жүдоч Ёшида Цукасатай нийт 12 минут 56 секунд хүч үзсэн ширүүн тулаан Дэлхийн Жүдо бөхийн ертөнцийг доргиосон юм.
Өмнө нь нутаг дээр нь ялагдаж байсан ч энэ удаад Олимп, Дэлхийн Медальтан илүү байдаг юмаа гэдгийг тэрбум үзэгчдын өмнө харуулж чадлаа.
Б.Мөнгөнчимэг
Будапешт-2017″ жүдо бөхийн ДАШТ-ий 63 кг-ын жинд өрсөлдөж байгаа “Женко” клубийн тамирчин ОУХМ Б.Мөнгөнчимэг дагах барилдаанд Бразилийн Кетлин Куадростой хүч үзэж даралтаар цэвэр ялсан.
Ингээд тэрбээр БНХАУ-ын бөх Ян Жуншиатай хүрэл медалийн төлөө барилдан цэвэр яллаа. Ийнхүү ОУХМ Балдоржийн МӨНГӨНЧИМЭГ 23 насандаа дэлхийн аваргын хүрэл медальтай тамирчин болж, ард түмнээ баярлуулж байна.
Казахстаны нэрийн өмнөөс эмэгтэйчүүдийн 48 кг-ийн жинд өрсөлдсөн монгол жүдоч Г.Отгонцэцэг Унгарын нийслэл Будапешт хотноо болж буй жүдо бөхийн ДАШТ-ээс хүрэл медаль хүртсэн билээ.
Г.Отгонцэцэг Оросын жүдоч Ирина Долгава-г давснаар хүрэл медаль хүртсэн байна.
Тэрбээр хагас финалд Японы бөх Фүна Тонакид ялагдсан юм.
Пүрэвдоржийн ОРХОН
Парис-2017” чөлөөт бөхийн насанд хүрэгчдийн ДАШТ-ий эмэгтэйчүүдийн 63 кг-д үндэсний шигшээ баг, “Алдар” спорт хороо, “Аваргууд” академийн тамирчин ОУХМ П.Орхон алтан медаль хүртэв. Тэрбээр шигшээ барилдаанд ДАШТ-ий алт, хүрэл медальт Украины Юлья Ткачыг 6:3 ялж ДЭЛХИЙН АВАРГА боллоо.
Түүний хувьд чөлөөт бөхийн дэлхийн аварга болсон Монгол Улсын тав дахь тамирчнаар тодорч байна. Мөн С.Батцэцэг, С.Цэрэнчимэд нарын араас гурав дахь эмэгтэй дэлхийн аварга болж төрийн далбааг Парисын тэнгэрт мандуулсан юм.
Мөнхбатын Уранцэцэг — жүдо барилдааны 48 кг жингийн Дэлхийн аварга (2013), Ази тивийн аварга (2012), ААШТ-ий хошой хүрэл медальт (2009, 2013),
Будапешт-2017″ жүдо бөхийн ДАШТ-ий эмэгтэйчүүдийн -48кг-д Мөнхбатын Уранцэцэг ДАШТ-ий мөнгөн медаль хүртлээ. Тэрбээр Японы жүдоч Тонаки Фүнатай өрсөлдөж вазари үнэлгээгээр ялагдсан юм. Ийнхүү Дэлхийн аваргын алт, мөнгөн медальтан болж байна.
Б.АМИ
Эх сурвалж: www.ALDAR.mn
