Салж байгаа хоёр хүний үлдэж байгаа нь илүү хайртай байдаг юм.Хаяж явчихаад ,хуурч мэхэлчихээд бас болоогүй өөр хүнд чамайг муугаар ярьж яваа хөөрхий тэр хүний дэргэд чи бол харин ч хүнээрээ байж чадсан гэж бод.Одоо март даа охин минь ,өөр жаргал ирнэ гэж итгэдэг бол өнөөдрийн зовлонг дуусгах хэрэгтэй байдаг юм.Мартах миний охинд хэцүү байх нь тодорхой.Мартахгүй байвал бүр хэцүү байдаг юм.Сайн уйлаад ав үр минь, сэтгэлд чинь тэр новшийн үеэрлүүлсэн их зовлонг урсаж дуустал нь уйлаад ав.Бараан үүл сэтгэлээс нь арилана гэж ээж нь найдаад балга цай чанаад хаалганы цаана хүлээж байя.Харин миний охин өшөө авах гэж байна гээд хэтэрхий гоёх хэрэггүй шүү.Ийм хагацал үзсэн хүн гэнэт гоёх юм бол эрчүүд чамайг явдалтай болж гэж бодох болно.Эмс хүүхнүүд чамайг энгэрээ нээж гэж муулна.Тод улаан будгаар уруулаа битгий будаарай.Толгойгүй эзэнгүй идэш шиг харагддаг юм шүү араатнуудад.Томоотой мөрөөрөө л яв аяндаа бүх юм сайхан болно.Тойрон эргэлдэх илээнүүдэд гунигтай битгий харагд.Хэн нэгний мартах гэж өөр нэгэнтэй битгий хамт байгаарай.Хайргүй хүнийг хажуудаа байлгаж ганцаардлаа тайлах нь завхайрч байгаагаас ялгаа байдаггүй юм.Юу ч алдаагүй юм шиг бай.Ер нь түүнээс салсан нь зөв байсан юм шиг дээгүүр хар.Орхиод явсан хүнийг харамсаж үхтэл нь жаргалтай инээ.Чамайг жаргалтай явааг хараад орхиж явсан хүн сэтгэл нь сэмэрдэг юм.Уучлаарай би буруу юм хийж гээд иргээд ирэх үед нь уулз гээд надруу явуулаарай.Тэр үед ээж нь салаавч гаргаад сурчихсан байнаа.Заримдаа том жаргал ирэх гэж байх үед жижиг зовлон тохиолддог юм.Ямар азаар тэрнээс салав гэж бодох цагт яг одоо гаргаж байгаа нулимас чинь хайран санагдах байхдаа үр минь чамд.Тэнэг хайр хорвоогоор дүүрэн байдаг гэдгийг тэмдэглээд аваарай сэтгэлдээ ,сүүлд хашир болно.Надаас өөр хүний хажууд муугаа битгий үзүүл. Нар гараад өглөө болох үед бүх юмыг шинээр эхлээрэй.Маргааш ээжтэйгээ хамт дэлгүүр хэснээ магадгүй тэнэг мал бодож хэвтэхээс тэр нь хамаагүй дээр.
