Бумба овогтой Баасанбадам хуудаснаас
Чинийхээ үнэрээр гоёчихоод аядуу тайван алхмаар
Чимээгүй бодолдоо дүр төрхийг чинь зурмаар
Чамгүй мөчүүдийг цаг хугацаан дунд цоожлоод
Чамтай туулах хорвоог төсөөлөлдөө урламаар
Хором ч холдомгүй харцанд чинь саатмаар
Хоргодож дулаацдаг хайраар чинь дутах юм
Хоосрох үед нүд баясгаж тархинд эргэлдээд
Хоолой мэдэн дуудмаар зүйрлэмгүй гоё хүлээлт
Хэнд ч өгөхгүй гэж сэтгэлээ цоожлоод мартсан байхад
Хэнэг ч үгүй түлхүүр тааруулж зөвшөөрөлгүй онгойлгосон
Хэлтгий заяа тэгширдэгийг ганцхан инээдээр үнэмшүүлж
Хэлж боломгүй мэдрэмжээр бүслэлтийг давж сэтлэх юм
Андуу ташааг үгүйсгэж амьдралд минь орж ирсэн
Алдаа бүр минь шагнал болж ирдэг гэдгийг ойлгуулж
Аадрын дараах солонго шиг зүрхэн тушаа татаад
Амьсгалах тоолондоо баярлах тэмцэх шалтаг болооч
Бумба овогтой Баасанбадам
2018-07-05нд
Эх сурвалж http://www.info.mn
