Нидерландын эрдэмтэн Тео Геверс, Али Салах нар хүний насыг инээмсэглэлээр нь тодорхойлох программ зохион бүтээжээ.
8-76 насны хүмүүсийг тэд туршилтад оруулсан бөгөөд тухайн хүн инээмсэглэх үедээ завьж нь хэр хурдан дээшилж буйгаар насыг нь тодорхойлжээ. Үүний зэрэгцээ туршилтад хамрагдсан хүмүүсийн дийлэнх нь бие биеийнхээ насыг таахдаа 6-7-гоор насаар андуурч байсан гэнэ. Мөн залуу харагдахын тулд аль болох инээмсэглэж байхыг эрдэмтэд зөвлөжээ.