Канадын алдарт дуучин Жастин Бибер өөрийн найз бүсгүй болох Хэйли Болдуйнд сүйн бөгж бэлэглэсэн тухай мэдээлэл саяхан цацагдсан. Үүний дараагаар тэднийг хуримын бэлтгэлээ базааж буй тухай эх сурвалжууд мэдээлэх болсон бөгөөд хосууд нууцаар гэрлэсэн байж болзошгүй гэнэ. Учир нь тэд шүүхийн танхимаас хамт гарч явсан бөгөөд энэ үеэр Жастин Бибер гартаа гэрлэлтийн баталгаа барьсан байсан аж. Үүнийг тэдний гэр бүлийнхэн ч мэдээгүй гэнэ. Сүйт бүсгүйн гэр бүлийн талаас багахан эсэргүүцэлтэй тулгараад буй хосууд ийн нууцаар гэрлэх сонголтыг хийсэн ч байж болох юм.
