Жаргалтай гэр бүлүүдийн байнга хийдэг үйлдэл болон зуршлуудын талаар “www.wikihow.com” сайт мэдээллээ.
Сайхан үгс байнга хэлэх
Та өглөө сэрээд таны дэргэд унтаж буй эхнэр эсвэл нөхөр болон хүүхдүүд, эцэг эх, эгч, ах, дүү нартай “Сайхан амарсан уу?”, “Өглөөний мэнд” гэх сайхан үгсийг байнга хэлж байгаарай. Шалтгаангүйгээр “Хайртай шүү” гэх нандин үгийг хэлж занш. “Баяртай”, “Баярлалаа”, “Сайн яваарай”, “Уучлаарай” гэх үгсийг үргэлж нэг нэгэндээ хэлж, нандин сайхан харилцаагаа нандин чигээр нь байлгаарай.
Хамт хооллох
Та өглөөний цай, өдрийн хоол болон оройн хоолыг заавал гэр бүлийнхэнтэйгээ хамт идэж сураарай. Хамтдаа хооллох үед үргэлж сайхан уур амьсгал бий болдог.
Нэг нэгэндээ цаг гаргах
Чухал, шаардлагатай зүйлээ утсаар эсвэл нийгмийн сүлжээгээр ярилцахгүйгээр бие биеийнхээ урд суугаад ярилцаж, гарч, шийдвэр хайх хэрэгтэй. Олон жил бат оршсон гэр бүлүүд ихэвчлэн асуудлаа ярилцаж, шийдвэрлэдэг, арга зам хайдаг. Нууцаа хадгалахгүйгээр нэг нэгэндээ хэлсэн цагт л танай гэр бүл ЖИНХЭНЭ АСУУДАЛГҮЙ ГЭР БҮЛ болно.
Бодит харилцааг эрхэмлэх
Ихэнх гэр бүлийн гишүүд нэг нэгэнтэйгээ дотно байхаа больж, ихэнх цагаа цахим ертөнцөд өнгөрөөж байна. Энэ бол маш буруу үйлдэл ба хожим энэ бүхнээс болж гэр бүл салах зэрэг сөрөг хандлага ихээр гарах болсон. Тиймээс та бодит харилцааг эрхэмлэж, гэр бүлдээ халуун дулаан уур амьсгалыг бүрдүүлж өгөөрэй.
Биед нь хүрэх
Энэ их энгийн, байнга хийдэг үйлдэл ч гэр бүлийн бат орших хамгийн чухал үйлдлүүдийн нэг. Та эхнэр, нөхрийнхөө хацар, уруул бусад хэсэгт үнсэх, гадуур гарахдаа хөтлөлцөх, тэврэх хэрэгтэй. Та долоо хоногт нэг удаа гэр бүлийнхэнтэйгээ салхинд гарах хэрэгтэй.
Б.Дэлгэрцэцэг
Shuud.mn
