Холливуудаас траншейнд гарсан модель бүсгүйн ээдрээтэй амьдрал

4697824-0-image-m-15_1538483696607-800x673-768x646

Америкийн модель Лони Уиллисоныг Лос-Анжелесийн гудамжинд хог түүж явахад нь сэтгүүлчид таньжээ. Хэдхэн жилийн өмнө тэр хэдэн зуун мянган долларын машин, хувцас худалдан авч байсан бол одоо түүний бүх эд зүйлс дэлгүүрийн ганц тэргэнцэрт л багтана. Лони моделийн ажлаас гадна “Baywatch” киноны од Жереми Жексонтой гэрлэж, алт мөнгөнд умбаж явсан билээ.

Баячуудын хүлээн авалт, элдэв ёслолд уригдан, улаан хивсэн дээгүүр гунхаж явсан цаг саяхан сан. Яагаад ийм байдалд оров? Лони одоо 35 настай. Гэвч уранхай хувцас, нэл хир, шавар болсон түүнийг танихад бэрх. Жереми Жексон, Лони Уиллисон нар хэдэн жил үерхэсний эцэст 2012 онд гэрлэжээ.

“Baywatch” кинонд хөгжилтэй сайхан залуугийн дүр бүтээсэн Жексон жинхэнэ амьдрал дээр тийм байсангүй. Байнга эхнэрээ зодож нүднэ. Нэг удаа Лониг багалзуурдан алах гэж оролдсоны дараа 2014 онд тэд салцгаасан юм. 2017 онд хүн алах гэж оролдсон хэргээр Жексон шоронд орсон.

Харин Лони ажлаа алдаж, санхүүгийн хүнд байдалд орж, 2016 онд байрнаасаа хөөгдсөн байна. Сэтгэл зүйн хямралын улмаас тэр архи ууж, сүүлдээ хар тамхи хэрэглэж эхэлжээ. Гоо сайханчаар ажиллах гэж оролдсон ч халагдаад эцэст нь гудамжинд чемодантайгаа үлдэв.

Хаашаа явахаа мэдэхгүй, амьдралынхаа төлөө тэмцэх хүсэл зоригоо алдсан бүсгүй амьдралд бууж өгөн, гэр оронгүйчүүдийн дунд үлджээ. Түүний зураг хэвлэлд гарсны дараа найз нөхөд нь Лониг хайж олсон. Түүнд тусламж үзүүлэн, эмчилгээнд явуулья гэсэн ч бүсгүй өөрөө татгалзаад гудамжиндаа эргээд гарсан байна. Тэр усанд оролгүй жил болж байгаа гэсэн. Учир нь хиртэй, муухай үнэртэй байхаар ядаж гудамжинд хүчиндүүлэхгүй амар байдаг гэж ярьжээ.

Хэдийгээр Лони зугтан алга болсон ч найзууд нь түүнийг хайж олон, хар тамхи, архины эмчилгээнд явуулж, нийгэмд эргэн авчирна гэдгээ сэтгүүлчдэд ярьсан байна. Харин Лониг траншейнд гарах бараг гол шалтгаан нь болсон хуучин нөхөр Жексон нь шоронгоос хэдийнэ гаржээ. Тэр спортоор хичээллэн, олон нийтийн сүлжээнд тун идэвхтэй, фитнессийн дасгалжуулагчаар ажиллаж байна. Сэтгүүлч нар Лонигийн талаар асуухад тэр тун дургүй.

8-21-800x535 Холливуудаас траншейнд гарсан модель бүсгүйн ээдрээтэй амьдрал

4683012-6231301-image-m-90_1538489821765-800x742 Холливуудаас траншейнд гарсан модель бүсгүйн ээдрээтэй амьдрал

imgonline-com-ua-2to1-GMDVngukIW909kG-800x603 Холливуудаас траншейнд гарсан модель бүсгүйн ээдрээтэй амьдрал

4697824-0-image-m-15_1538483696607-800x673 Холливуудаас траншейнд гарсан модель бүсгүйн ээдрээтэй амьдрал

4698024-6231301-As_a_woman_Loni_says_she_has_to_make_herself_as_filthy_as_possib-m-112_1538494406176-800x527 Холливуудаас траншейнд гарсан модель бүсгүйн ээдрээтэй амьдрал

4698056-6231301-image-a-25_1538485659759-800x533 Холливуудаас траншейнд гарсан модель бүсгүйн ээдрээтэй амьдрал

imgonline-com-ua-2to1-eqCjjym7RJdZeG-800x523 Холливуудаас траншейнд гарсан модель бүсгүйн ээдрээтэй амьдрал

Эх сурвалж: //www.ub.life/


Холливуудаас траншейнд гарсан модель бүсгүйн ээдрээтэй амьдрал
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.