Найзууд удаан нөхөрлөхийн хэрээр харилцаа нь улам үнэ цэнэтэй болж байдаг. Тийм ч учраас удаан найзалсан найзаасаа холбоогоо тасална гэдэг бараг л бүтэшгүй зүйл. Гэвч хамгийн сайн найзын харилцаа ч цаг хугацааны эрхээр холдож, хөндийрч болох бөгөөд хэн хэн нь бие биедээ хэрэггүй болж ч болдог гэдгийг санах хэрэгтэй.
1. Таныг амжилттай яваад дургүйцдэг
Хэрвээ найз чинь танд атаархдаг бол таныг амжилт, ололтынхоо тухай ярихад шууд л сэдвээ өөрчлөх эсвэл өөдөөс тань өөрийн бүтэлгүйтлийн талаар гомдоллож ярих болно. Жишээ нь гэхэд л “Чамд ийм гоё найз залуу байхад надад хэн ч алга” эсвэл “Чи үргэлж ялдаг, гэтэл надад хэзээ ч тийм чадвар байгаагүй” гэх мэт үгс урсгаж эхэлнэ. Өөрөөр хэлбэл түүнд танд тохиолдсон сайн сайхан бүхэн огт хамаагүй атал эсрэгээрээ асуудалд ороход чинь баярлана.
Энэ таныг доорх байдалд хүргэнэ: Өөрийнхөө амжилтын хариуд найзаасаа сөрөг хариу үйлдэл хүлээн авах үед яагаад ч юм танд гэм хийсэн мэт мэдрэмж төрнө. Та түүнийг найз залуутай болоход нь эсвэл ямар нэг өрсөлдөөнд ялахад нь тусалж болох ч тэр эсэргүүцсээр байх болно. Ингэснээр байдал улам дорддог.
2. Тантай яг л хартай найз залуу мэт харьцана
Түүнээс түрүүлээд өөр хэн нэгэнтэй уулзвал тэр дургүйцнэ. Магадгүй уурлаж, хаа ч явсан зөвхөн өөртэй нь хамт явж, бүхнээ ярьж байхыг танаас шаардах болно. Хамгийн аймшигтай нь тэр таныг өөр найзуудтайгаа уулзсаныг мэдээд уурлаж, хаагуур юу хийж явааг тань тагнаж ч магадгүй.
Ингэснээр та 2-ын харилцаа: Найздаа аливаа зүйлсийг буруугаар ойлгоод байгааг нь тайлбарлахын тулд бяцхан хүүхдэд хичээл зааж байгаа багш адил харьцахад хүрнэ. Гэхдээ сэтгэл судлаачдын судалгаагаар ийм харилцаа зөрчил, маргаан нь тухгүй хэцүү байдалд хүргэж, эцэст нь харилцаагаа таслахад хүргэдэг байна.
3. Түүнтэй ярьсныхаа дараа та үргэлж ядарсан байдаг
Зарим үед найзтайгаа ярилцсаны дараа бидний толгой өвдөж эсвэл ядарсан байдгийг бид ихэвчлэн анзааралгүй өнгөрдөг. Сэтгэл судлаач Сюзан Хэйтлэр/Susan Heitler/-ийнхээр бол сэтгэл зүйн зөрчил, дарамтаас болж дээрх мэдрэмж төрдөг аж. Бидний бие мах бод бүхэлдээ нэгэн цогц учраас сэтгэл зүйн байдал биеийн байдалд шууд нөлөөлдөг байна.
Энэ таныг доорх байдалд хүргэнэ: Хэрвээ танд найзтайгаа ярилцсаны дараа ядарсан мэт мэдрэмж төрж байвал өмнө нь тийм байсан эсэхийг бодож үзээрэй. Хэрвээ өмнө нь бас л ингэж санагдаж байсан бол харилцаандаа завсарлага авахад илүүдэхгүй.
4. Зарим зүйлийг хэлэхгүй өнгөрсөн нь дээр санагдана
Сонирхол тань өөрчлөгдөж, өмнөх муухай дурсамжууд сэдэрч, онцгүй мэдрэмжүүд төрж байсан ч найздаа ярихгүй өнгөрсөн нь дээр мэт санагдаж эхэлнэ.
Энэ таныг доорх байдалд хүргэнэ: Хэрвээ та найздаа өөрийн мэдрэмж, асуудал, хувийн зүйлсийн талаар ярихыг хүсэхгүй байвал удалгүй түүнтэй ярих юмгүй болно.
5. Тань руу хэдэн цагт ч хамаагүй залгаж зовлонгоо тоочино
Найзын тусламж, дэмжлэг хэрэгтэй үе бид бүгдэд байж л байдаг. Гэвч танд атаархдаг найз үүнийг үргэлж хэтрүүлчхээд байдаг. Тэр шөнөөр ч хамаагүй чамруу залгаж, асуудлаа сонсохыг шаардах болно. Хэрвээ таныг дургүйцвэл уурлана. Сайн найзын харилцаанд бие биенээ дэмжиж туслах нь чухал ч гэлээ та үргэлж түүний хувийн сэтгэл зүйч эсвэл нулимсаа арчих алчуур нь болох шаардлагагүй.
Энэ таныг доорх байдалд хүргэнэ: Найзынхаа дуудлагыг авч түүний зовлонг сонсоно гэдэг бол найзын тань хувьд ногоон гэрэл асахтай л адил. Ингэх тусам тэр тан луу залгах нь ихэсч, ярих зовлон нь уртассаар байх болно.
6. Тэр таны бүтэлгүйтлийг өөрийнхөө ололтыг тодотгохын тулд ашигладаг
Тэр өөртөө итгэлтэй, загварлаг хувцасладаг, хүчтэй харагддаг нэгэн. Гэвч үргэлж эргэн тойрныхоо хүмүүсийг шүүмжилж байдаг. Таныг ч бас ялгаагүй. Гэхдээ энэ үйлдэл нь тэр өөрийнхөө өөртөө итгэлгүй байдлыг нуухыг хичээж байгаатай ч холбоотой байж магадгүй /b.
Энэ таныг доорх байдалд хүргэнэ: Та түүний дэргэд байх тусмаа өөртөө итгэлгүй, шийдмэг бус болсоор байна.
7. Тэр таны үс засалт, хувцаслалт, хумс тэр бүү хэл найз залууг тань ч хуулбарлана
Тэр эдгээр үйлдлүүдийг зориудаар эсвэл өөрийн мэдэлгүй хийдэг байхыг ч үгүйсгэхгүй. Ихэнх тохиолдолд хэн нэгэнд хор хүргэх санаагүй бөгөөд зүгээр л найздаа дуртай болохоор найз шигээ болохыг хүсдэг ч байж болно.
Энэ таныг доорх байдалд хүргэнэ: Та түүний хувьд шинэ санааны эх ундарга. Тангүйгээр тэр ямар ч сонин содон зүйл хийдэггүй байх. Магадгүй тэр төсөөлөн бодох чадвар муутай мэт санагдана. Хэрвээ танд энэ байдал асуудал биш бол заавал түүнээс харилцаагаа таслах албагүй.
8. Тэр бол эмгэнэлт жүжгийн гол дүр, үргэлж өөрийнхөө асуудлын талаар ярьдаг
Найз тань үргэлж л амьдрал ямар хэцүү байгаа талаар ярина. Тэр шаналж зовж байгаагаасаа таашаал авдаг ч байж мэдэх юм. Сэтгэл судлаачид амархан гомдож, аливаа зүйлсийн сөрөг талыг олж харах нь мэдрэлийн эмгэгийн шинж тэмдэг гэсэн байдаг.
Энэ таныг доорх байдалд хүргэнэ: Найздаа хань болж, зөвхөн түүнтэй яриа нийлдэг сэдвүүдийг сонгож ярьсаар байгаад эцэст нь та ч өөрөө гутрангуй нэгэн болж хувирна.
9. Тэр бүх талаараа танаас илүү байх гэж хичээнэ, та хоёрын нөхөрлөл бол дуусашгүй өрсөлдөөн
“Би шинэ гутал авсан. Хямдраад 50 мянга л болчихсон байна лээ” гэж таныг хэлэх төдийд тэр “Дажгүй л юм. Харин би “Zara”-ын цүнх авсан” хэмээн хариуг тань барина. Танд байгаа эд зүйл, таны амьдралд тохиолдсон зүйлс, шинэ мэдээ гээд бүх зүйлээс тань илүү зүйл түүнд үргэлж л байх болно.
Энэ таныг доорх байдалд хүргэнэ: Энэхүү эцэс төгсгөлгүй өрсөлдөөнд хэн нэгэн нь заавал ялж нэг нь ялагдана. Хоёул сэтгэл хангалуун үлдэнэ гэж хэзээ ч үгүй.
10. Тэр таныг ашигладаг
Тэр үргэлж танаас ямар нэг зүйл гуйдаг эсвэл хүсдэг бол муугийн тэмдэг. Жишээ нь мөнгө зээлэх, утсаараа яриулах, гэрээ тохижуулахад туслах гэх мэт. Ийм хүмүүс бусад хүмүүстэй үргэлж зорилгоо биелүүлэхийн төлөө ашиглах сэдлээр бусадтай харьцдаг.
Энэ таныг доорх байдалд хүргэнэ: Та хэдий чинээ туслахыг зөвшөөрнө төдий чинээгээрээ түүний тусламж гуйх тоо нэмэгдсээр байх болно. Үүнээс гарах цор ганц арга бол та үгүй гэж хэлэх юм.
11. Тэр таныг хэтэрхий шударгаар шүүмжилдэг
Та найзаасаа “Би өнөөдөр болзоотой. Би ямар харагдаж байна даа” гэж асуусан гэж төсөөлье л дөө. Тэр хариуд нь “Нэг л биш харагдаад байна даа. Нүдний чинь доор хөхөрчхөж, даашинз чинь багадчихсан юм биш үү…” гэх мэтээр аймар үгс хэлнэ. Нэг хоёр удаа ийм зүйл болбол тухайн үеийн сэтгэл санаанаас болсон гээд ойлгож болох ч байнга таныг шүүмжилдэг бол муугийн дохио. Сэтгэл зүйчид үүнийг өөрийн сул талтай бусдынхыг тэнцэтгэх гэсэн сонирхол хэмээн нэрлэдэг.
Энэ таныг доорх байдалд хүргэнэ: Үндэслэлтэй шүүмж биднийг өсөж дэвшихэд тусалдаг. Гэвч найз тань атаархлаа нуух гэж таныг шүүмжилдэг бол харилцаагаа тасалсан нь дээр.
12. Тэр танд жишим ч үгүй буруу зөвлөгөө өгдөг
Найз залуу, нөхөртэйгөө холбоотой жижигхэн асуудлын талаар ярихад тань “Тэрнээс салаа. Тэр чамд хэрэггүй шүү дээ” гэж хэлдэг найз бол таны найз биш. Тэр таны хайр сэтгэлийн амьдралд атаархдагийн шинж.
Энэ таныг доорх байдалд хүргэнэ: Нэг л өдөр та сэтгэл хөдлөлөөсөө болж түүний зөвлөгөөг дагаж, насан туршдаа харамсах шийдвэр гаргаж мэдэх юм шүү.
13. Найз залуутай болонгуутаа танд үзэгдэхээ болино
Найз тань шинэ найз залуутай болонгуутаа л найзуудаа мартаж эхлэх бөгөөд дуудлага, мессэжинд тань хариулахгүй, уулзалтаас зайлсхийх шалтаг яаж ийгээд олдог болно. Гэвч тэр харилцаагаа дуусгавар болгосныхоо дараа тань руу эргэн ярьж бүтэлгүй хайрынхаа талаар урт удаан гунигт түүхийг ярьж эхэлнэ.
Энэ таныг доорх байдалд хүргэнэ: Хэрвээ энэ асуудлынх нь талаар та түүнтэй ярилцахыг хүсвэл тэр таныг өөрт нь атаархаж байна гэж бодно. Ийм нөхцөлд таны хийж чадах ганц зүйл бол хүлээх юм. Гэхдээ тэвчээр хязгаартай байх хэрэгтэйг санаарай.
