Дуурь, бүжгийн эрдмийн театрын гоцлол дуучин Д.Долгормааг урлаг сонирхогчид андахгүй.
Зарим нь Гавьяат энэ тэр гэж боддог бололтой. Уг нь тэр хэмжээний хүн л дээ. Гэтэл Монголын төр түүнийг өнөө хэр үнэлээгүй байгаа юм. Харин хаа очиж оросууд үнэлчихжээ.
Буриад зоны урлаг, соёлын хөгжилд үнэтэй хувь нэмэр оруулсан гээд зургаан жилийн өмнө ОХУ-ын Буриадын Гавьяат жүжигчин цол олгосон бол саяхан Чита хотод зохиогдсон “Алтаргана” наадмын үеэр Ардын жүжигчин цолоо өгчээ. Тэд гар татсангүй.
Монголын эгэл/гоцлол/ дуучин ийнхүү гадаадын Ардын жүжигчин болжээ. Тэрээр өөрийн уран бүтээлийн сан дахь шигшмэл 60 дуугаараа ном гаргасан байна.
