Түүнийг Холливудын хамгийн секси оддын нэг гэдэг. Скарлетт Йоханссон ч өөрийнхөө энэ тодорхойлолтод сэтгэл хангалуун байдаг. Тэрбээр 32-хон насандаа Холливудад гялалзсан амжилтад хүрч, одоогоор нэрд гараад байгаа найруулагчид болох Вуди Алленаас эхлүүлээд ЛюкБессон нарын кинонд тоглон, маш их шагнал, алдар хүндэд хүрсэн. Скарлетт ЙоханссонХолливудын хамгийн өндөр үнэтэй жүжигчдийн тоонд зүй ёсоор багтдаг.
Түүний хувийн амьдралын тухайд, тэр сайн гэр бүлээс гаралтай. Скарлеттын эцэг Карстен Нью-Йоркийн томоохон пүүст археологич, харин ээж Мелани нь продюсер хийдэг. Түүний гэр бүл өнөр олуулаа. Скарлеттэд хоёр ах, хоёр эгч мөн эцгийнх нь эхний гэрлэлтийн хүү болох ах байдаг байна. Түүний хүүхэд нас тийм ч цэлмэг тэнгэр шиг байгаагүй аж. “Манай аав мөнгө тийм ч сайн олдоггүй байсан учир бид жил бүр байраа сольж нүүдэг байсан” гэж жүжигчин бүсгүй ярьж байжээ.
“Бид жүжигчин болохын тулд өөртэйгөө ажиллах шаардлагатай. Өөрөөр хэлбэл өөрсдийнхөө зан чанарын эсрэг зогсох ёстой болдог”
Скарлетт бага наснаасаа л ажил хийж эхэлсэн. Тэрбээр хамгийн анхны дүрээ есөн насандаа бүтээж байсан юм. Бяцхан охин байхаасаа олон төрлийн рекламд тоглож гэр бүлдээ орлого оруулдаг байв. Харин 10 жилийн дараа түүнийг София Копполагийн “Орчуулгын алдаа” гэх кино дэлхийн хэмжээний ододтой эн зэрэгцэх хэмжээнд авчирсан. Үүний дараа тун удалгүй Скарлетт Вуди Аллены дурлалт бүсгүй болсон байдаг.
“Гэрлэлт бол маш романтик сайхан хэрэг. Гэвч хүний байгалиас өгсөн өгөгдөлтэй олон зүйл нь зөрчилддөг”
Тэр оюунлаг киноноос илүү задгай чөлөөт хэлбэрийн кинонд тоглож эхэлсэн нь нээлттэй сэтгэгчдийн багт ажиллах болсонтой нь холбоотой. Бүсгүйн амжилтыг дараах хэдэн тоо баримт л өгүүлэх болно. Өнгөрсөн онд гэхэд Йоханссоны тоглосон кинонууд продюсер нартаа 3.5 тэрбум долларын ашиг орлого оруулжээ. Одоо тэрХолливудын түүхэнд хамгийн баян жүжигчин болоод байна. Скарлетт жилд гурваас доошгүй кинонд тоглодог.
“Би нэг хавьтагчтай байхыг үгүйсгэдэг”
Тэр хоёр ч удаа гэрлэсэн боловч хоёулаа амжилтгүй болсон гэдэг. Эхлээд жүжигчин Райан Рейнолдстой 2008 онд гэрлэсэн, цөөнгүй хугацааны дараа 2014 онд Францын сэтгүүлч Рамен Дориактай гэрлэж түүнээс охин төрүүлсэн юм.
Одоо Йонханссон өрх толгойлсон ээжийн эгнээнд зүй ёсоор багтаж байна. Тэрбээр хуучин нөхрийнхөө тухай сэтгүүлчдийн асуултад хариулах дургүй. Учир нь “Охин минь хожим миний гэр бүлийн асуудлыг сониноос олж унших нь зохисгүй” гэж үздэг нэгэн. Чөлөөт цагаа ихэвчлэн охиндоо зориулдаг. Харин саяхнаас эмэгтэйчүүдийн эрхийн төлөөх тэмцэлд оролцох болсон.
Түүний сүүлийн ярилцлага санаандгүй өрнөсөн нь гуравдугаар сард тоглосон “АНУ-ын анхны охин” кинонд хэрхэн тоглосон тухай болон “Saturday Night Live” хөгжилтэй теле шоунд оролцсон тухайгаа ярьжээ. Түүний хамгийн эмэгтэйлэг төрхийг тодотгосон “Маш муу охид” кинонд гол дүр бүтээгээд удаагүй байхад “Cosmo” сэтгүүл ярилцлага авсан байна.
Скарлеттын хамгийн эмэгтэйлэг дүр төрхийг харуулж чадсан “Маш муу охид” киноны талаар цөөн хором ярилцлаа. Тэрбээр хэлэхдээ зураг авалтын талбайд түүнд маш тухтай байдаг болсон гэжээ. Учир нь өмнө би зураг авалтын группт дан эрчүүдийг хардаг байсан бол одоо огт өөр. Харин тэнд гэрэлтүүлэг дээр эмэгтэйчүүд, зураг чимэглэл дээр ч эмэгтэйчүүд, камерыг ч тэд удирдаж чадаж байгаа нь түүнд маш сайхан санагдах болсон. Скарлетт ирээдүйн кино зураг авалтыг эмэгтэйчүүд тэргүүлнэ гэдэгт итгэдэг аж. Энэ талаар тэр ярилцлага болгондоо хэлдэг байна.
-“Маш муу охид” киног “Вегасын хөвгүүд” кинотой харьцуулахад танд ямар сэтгэгдэл төрж байсан бэ?
-Би “Вегасын хөвгүүд” киног үзээд хамгийн түрүүнд нөхөрлөлийн тухай бага зэрэг гунигтай сэтгэл хөдлөм түүх санагдсан. Мэдээж тэнд янз бүрийн шоглол, хэтрүүлэг байсан л даа. Гэхдээ надад тийм харьцуулалт таалагддаг.
-Танд жинхэнэ “Амазонкийн хаанчлал”-д хүрч ажиллах боломж олдсон. Танай багаас хэн чамайг илүү гайхашруулж байсан бэ?
-Тэд бүгдээрээ яг л галзуу юм шиг, харин би харьцангуй ямар ч буруугүй хонь шиг л байсан /инээв/. Надад хошин шогийн жүжигчид уйтгартай юм шиг мөртлөө цаанаасаа хошигнох мэдрэмж төрүүлдэг юм билээ.Жиллиан Белл бол ер нь нэг тийм эсрэг, этгээд кино хийдэг. Тэр нь ч түүнд таалагддаг. Жишээ нь “Хүн төрөлхтний олон хутга” 2009 онд гарсан аймшгийн кино. Садист эмч яаж хүмүүс дээр туршилт хийж байгаа тухай гардаг. Би одоо хошигноогүй байна. Тэр кино бол Зои Кравицын дүр юм. Энэ бол гүйцэд үнэлэгдээгүй үнэт бүтээл.
-Таны харилцаа надад ердийн эмэгтэйн яриатай адил санагдлаа…
-Яагаад тэр билээ? Надад маш олон янз бүрийн найз байдаг. Би тэдэнтэй юу дуртайгаа л ярьж, шүүмжилдэг. Нэг удаа бид жинхэнэ эмэгтэйчүүдийн нөхөрлөлийн талаар ярилцаж байсан. Энэ нь миний хувьд энэ ертөнц дээрх хамгийн чухал зүйл гэж санагддаг. Жинхэнэ дотны найзууд чинь чамайг толь мэт тодорхойлох бөгөөд тэд чиний өөрөө огт олж хараагүй талыг чинь ч анзаардаг.
Би кинонд дандаа хүчтэй эмэгтэйчүүдийн дүр бүтээдэг. Харин эрэгтэй дүр дээр ямар нэгэн мэдрэмтгий дүр гаргадаг. Зарим хүмүүс өөрсдийгөө феминист гэж нэрлэхээс огт айхгүй болсон. Энэ нь маш сонгодог сонсогддог болж.
-Үнэхээр сонирхолтой юм! Вашингтон дахь эмэгтэйчүүдийн марш алхах бэлтгэлээ хийж байхдаа та юу бодож байв?
-Би доторхоо хуваалцахыг хүсч байна. Энэ нь миний хувьд тийм ч амар асуудал биш. Би аль болох их төвлөрсөн. Яаж мэргэжлийн тамирчин шиг байх вэ гэж эхлээд их бодсон. Харин эхэлсний дараагаар тухайн цаг мөчдөө амархан дасах шиг болсон.
-Та өмнө нь 15 настайдаа ээжийнхээ зөвлөснөөр нөхөн үржихүйн эрүүл мэндийн төвд очиж байсан гэж ярьж байсан. Энэ нь таны хувьд чухал хувийн асуудал боловч та үнэхээр нээлттэй ярьсан байсан шүү дээ?
-Баярлалаа. Орчин үеийн анагаах ухаанд бид хүссэн үедээ жирэмсэн болох боломжтой болсон. Энэ тухайгаа илэн далангүй ярих нь ичмээр зүйл гэж бодохгүй байна. Үүнээс гадна бид эрх чөлөөгөө хамгаалж, эрхийнхээ төлөө тэмцэх ёстой гэж би үздэг. Эдгээр асуудал нь хий хоосон зүйл болохгүй байгаасай гэж хүсч байна. Эцэст нь хэлэхэд эдгээр асуудлуудын тухай олон жилийн турш чимээгүй байсан нь харамсалтай.
-Зөвхөн алдартнууд биш нийгмийн сүлжээ, улс төрийн чухал сэдэв болгон татан оролцуулах нь чухал байх. Энэ талаар та юу гэж бодож байна вэ?
-Хэрэв та ямар нэгэн зүйлийг чангаар хэлэхийг хүсвэл нийгмийн сүлжээг л сонгох байх. Гэхдээ энэ нь үргэлж эрсдэл дагуулж байдаг биш гэж үү? Мянган удаа алдах нь энгийн зүйл болж. Гэвч нөгөө талаас та одоо ч хүртэл таны өмнөөс үг хэлж чадах хэн нэгэн байгаа гэдэгт итгэдэг. Ямар нэгэн сэдвийг хэлэлцэх хангалттай итгэлтэй болох байх гэж би охиндоо найдаж явдаг. Би нийгэм, улс төрийн үйл ажиллагаа явуулдаг хүмүүсийн дунд хүүхэд ахуй насаа өнгөрөөсөн болохоор юу гэж боддогоо хэлэхээсээ айдаггүй юм. Би тэднээс үлгэр жишээ авч өссөн гэж боддог.
Zindaa.mn
