Замынхаа төгсгөлд ирлээ, одоо хаашаа ч явах сонголт байхгүй гэж бодож байгаа бол чи өөрийгөө том хуурч байна. Амьдрал чинь ямар байх ёстой байсан талаар өөртөө дахин дахин хэлснээр, чи л өөрийнхөө оюун санааг хязгаарлаад өчүүхэн болгоод байна.
Гэхдээ хорвоо дэлхий уудам, амьдрал баян, хэдэн мянган зам, хэдэн мянган хүрэх газар өмнө чинь зурайж байна. Үүнийг өөртөө сануулахын тулд хэдхэн хором эргэцүүл. Гадаа гар. Үүлтэй тэнгэрийг хар. Чи яг тэр тэнгэр шиг л уудам ертөнцөд амьдарч байна. Амьсгал, тэгээд өөрийнхөө асуудлуудыг өөр өнцгөөс нь тунгаа.
Бүтэлгүйтэлдээ сэтгэл хангалуун байхаас өөрөөр бүтэлгүйтнэ гэж байхгүй.-Унахыг уналт гэдэггүй, харин босч ирэх боломж байхад газар унасан чигтээ суугаад байхыг л уналт гэдэг юм. Заримдаа амжилтанд хүрэхийн тулд түм буман удаа бүтэлгүйтэх ёстой болдог. Энэ бол уналт биш, зүгээр л ямар аргууд бүтдэггүй болохыг олж нээж байгаа хэрэг юм.
Юу сурсан нь л чухал. – Амьдрал үргэлж хоёр дох боломжийг олгодог. Үүнийг нь “маргааш” гэж нэрлэдэг. Гэвч өнөөдрөөсөө юу ч сураагүй бол хоёр дох боломж ямар ч хэрэггүй. Асуудалтай байгаа зүйлсээ мэдэж аваад, алдаа луугаа чангаар инээж, түүнээсээ суралцах ёстой. Алдаа бол ирээдүйн боломжинд өөрийгөө бэлтгэж, улам сайжруулж байгаа л нэг хэлбэр гэдэгт итгэ.
Хүнд хэцүү үе бол тэнцвэртэй амьдралын нэг хэсэг. – Чи хэн байса, одоо хэн байгаа, ирээдүйд хэн болох чинь гурвуулаа 3 өөр хүн. Өчигдрийнхөөс чи өнөөдөр илүү ухаантай болж болно. Тиймээс амьдралын шалгууруудыг өөртөө ашигтайгаар эргүүл. Амьдрал чинь төгөлдөр хуур л гэсэн үг. Хар цагаан хоёр даралт байдаг ч, хар даралтнаас ч бас хөгжим эгшиглэж болдог юм шүү.
Амжилт бол амьдралын хэв маяг – Амижлт бол нэг л өдөр хүрчихдэг юм биш. Энэ бол амьдрлын бодит байдалтай нүүр тулах үедээ түүнийгээ хэрхэн даван туулж, юу суралцаж, яаж цаашаа өсөн дэвшиж байгааг чинь илтгэх амьдралын хэв маяг.
Угаасаа л амархан байх ёсгүй байсан. – Очихыг хүссэн газраа өнөөдөр очоогүй гээд хэзээ ч очихгүй гэсэн үг биш. Амьдралын саад бэрхшээлүүд юунд зориулагдсан байдгийг мэдэх үү? Чам шиг мөрөөдөлдөө жинхэнээсээ үнэнч хүмүүсийг л түүндээ хүрэхэд нь тусалж, үүнийг тэгтлээ их хүсээгүй хүмүүсийг замаас нь ухраахын тулд байдаг юм.
Амьдрал сайхан хэвээрээ л байна. – Чамд үүнээс ч гоё өдөр тохиолдож байсан байх. Гэхдээ чи үүнээс ч дор өдрүүдийг туулж л байсан. Магадгүй чамд хүссэн бүхэн чинь алга. Гэхдээ ямар ч байсан хэрэгтэй бүхэн чинь чамд байна. Өглөө сэрэхэд толгой чинь өвдөж бие чинь хөндүүрлэсэн байсан ч, ямар ч байсан чи сэрсэн байна. Амьдрал чинь төгс биш байх, гэхдээ л амьдрах сайхан.
