Б.Мөнх-Оргил хуудаснаас
Өөртөө би дурлуулахыг хүсээгүй ээ
Өнөө үдшийн болзоог л гуйна
Урт холын ирээдүйг ярихгүй ээ
Уулзан инээлдэж саатахыг л гуйна
Нуршуу үгээр тойруулж зовоохгүй ээ
Нууц гэж үгүй, илхэн л хэлье
Имээж байна, гэвч үнэн хүчтэй
Эргэлзээгээ тайлж сэтгэлээ ч амраая
Зүрх дүүрэн хайр амлаад
Зүгээ буруулдаг нэгэн бишээ
Итгэл дүүрэн амьдрал зөгнөөд
Эвдээд явдаг нь бүр ч бишээ
Халуун тэвэрт тань хэдхэн мөч
Хайлан шингээд түүх болоё
Хатан биед тань цөөхөн хором
Багтаж үзээд шүлэг бичье 🙂
Хэт задгай бодол минь
Хэрэв танд таалагдвал
Нэрэлхэх хэрэггүй шүү шууд л
Нисээд очино, би тан дээр
Эрээгүй энэхэн хүсэлтийг минь
Эвээр ойлгож зөвшөөрвөл
Утасныхаа дугаарыг одоо өгөөд
Уулзаж суухад оройтохгүй ээ
Б.МӨНХ-ОРГИЛ
2018.11.22-нд
