45 настай супермодель Хайди Клум, Tokio Hotelхамтлагийн 29 настай гитарчин Том Каулитц нар сүй тавьснаа зарлав. Уржигдар гитарчин залуу загвар өмсөгч бүсгүйд гэрлэх санал тавихад Хайди зөвшөөрсөн хариу өгчээ. Энэ баярт мэдээг Клум цахим сүлжээнд тавихдаа найз залуутайгаа авахуулсан шинэ өөрөг зургаа байршуулсан аж. Зурган дээр Хайди Томыг тэврэх агаад ядам хуруунд нь сүйн бөгж гялтганана. Хайди, Том хоёр энэ оны хавраас дотноссон билээ. Германы одод хамтдаа элдэв арга хэмжээнд очиж, олны хараанаас ер ичиж зовохоо больсон. Дурлалт хос өдгөө хамтдаа амьдарч байгаа бөгөөд хуримын товоо удахгүй гаргахаар болжээ.
