Нандинхан цохилох зүрх чинь

49388119_2520134464728505_5854570217253896192_n_500x500
Нандинхан цохилох зүрх чинь
Насных гэж шивнэсэн бол
Тормолзон эргэлдэх нүд чинь
Тогтож түүн дээр л тусдаг бол
Энэ хайр мөн
Эргэж буцахгүй сэтгэл мөн
Төөнөн шатах уруул чинь
Түүнд тачаадан чимчигнэдэг бол
Төсөөлөл мөрөөдөл бүхэн чинь
Түүнтэй хамт үргэлжилдэг бол
Энэ хайр мөн
Эцэж цуцахгүй сэтгэл мөн
Үгүйлэн санах өдрүүд чинь
Үүрдийнх гэж гагнасан бол
Үлэмж тансаг инээмсгэлэл чинь
Бодох төдийд л тодордог бол
Энэ хайр мөн
Эцэстээ хувирахгүй сэтгэл мөн
Мэлтийх тунгалаг харц чинь
Минийх гэж цоргидог бол
Яраглах шөнийн зүүд чинь
Янагийн биеийг тэврүүлдэг бол
Ай энэ дурлал мөн
Амархан хөрөхгүй хүсэл мөн
Гэгээн тунгалаг төрх чинь
Гэрлэе гэж туяардаг бол
Өгсүүр замын саадыг тоолгүй
Өөрийгөө зориулж итгэдэг бол
Энэ хайр мөн
Элэгдэж хуучрахгүй сэтгэл мөн
Шүр улаан мэдрэмж чинь
Чинийх гэж хэлсэн бол
Шүүслэг дотно хүсэл чинь
Түүнд уусан жаргадаг бол
Энэ дурлал мөн
Исгэлэн амттай цэнгэл мөн
Хаан хатан шиг ураг барилдаж
Ханьлая гэж шийдсэн бол
Аав ээжийнхээ голомтыг залгаж
Амьдрая гэж зорьсон бол
Ай энэ хайр мөн
Амьнаас үнэтэй сэтгэл мөн
Б.МӨНХ-ОРГИЛ
2019.01.10-нд

Нандинхан цохилох зүрх чинь
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.