АНУ-ын Айдахо мужийн Кур д`Алин арлын оршин суугч Шаралий Армитэж Ховард байшингийнхаа гадна байх 100 настай бүдүүн модыг засч янзлан бяцхан номын сан хийжээ. Номын санч мэргэжилтэй, уран бүтээлч, ном хавтаслагч хийж байсан Шаралий хөршүүд болон номонд дуртай хүн бүрт зориулан гайхамшгийг бүтээхээр шийджээ.
Тэрээр хөгшин, бүдүүн модны оройг тайрч, дотор хэсгийг нь ухан шүүгээ болгохын зэрэгцээ гэрэлтүүлэг, хаалга, экстерьер дизайныг нь ч өөрийн гараар урласан байна. Үнэ төлбөргүйгээр түрээслэж болох, хүссэн хэнд ч 24 цагийн турш нээлттэй байх бяцхан номын сан Кур д`Алин арлын оршин суугчдад маш их таалагджээ.
